• Өнөөдөр 2024-03-29

ЗАМ, ТЭЭВРИЙН ХӨГЖЛИЙН ЯАМНЫ ТНБД С.БАТБОЛД ЭРХ МЭДЛЭЭ АШИГЛАЖ, БОГДХАН УУЛАНД 16 ГА ГАЗАР АВЧ, БУСДАД ДАМЛАН ЗАРЖЭЭ

2022-12-30,   1683

ЗАМ, ТЭЭВРИЙН ХӨГЖЛИЙН ЯАМНЫ ТНБД С.БАТБОЛДЫГ БОГДХАН УУЛАНД ГАЗАР ЗАРСАН ГЭХ ШАЛТГААНААР АТГ-ААС ШАЛГАЖ ЭХЭЛЖЭЭ

     Зам, тээврийн хөгжлийн яамны Төрийн нарийн бичгийн дарга С.Батболдыг эрх мэдэл, албан тушаалын байдлаа урвуулан ашиглаж, үндэслэлгүй хөрөнгөжсөн гэх үндэслэлээр АТГ-аас шалгаж эхэлжээ. Тодруулбал, С.Батболдын хүү Б.Рэнжиндорж, эхнэр П.Мидриймаа нар нь 2013 оны нэгдүгээр сарын 30-нд аялал жуулчлал, барилгын засвар, засал чимэглэл, гадаад худалдааны чиглэлээр үйл ажиллагаа явуулах “Рэска” ХХК-ийг үүсгэн байгуулжээ.

    Түүний хүү Б.Рэнжиндорж нь “Рэска” ХХК-ийнхаа үйл ажиллагааг өргөжүүлэхээр Богдхан уулын тусгай хамгаалалтын газрын захиргаанд төсөл бичиж өгсөн гэдэг. Түүний хүрээнд 2016 оны дөрөвдүгээр сарын 14-нд Байгаль орчин, ногоон хөгжил, аялал жуулчлалын яамны сайд Н.Батцэрэг “Рэска” ХХК-нд үйл ажиллагаа чвуулах тушаал гаргаж, Богдхан уулын дархан цаазат газрын хязгаарлалтын бүс буюу Баянзүрх дүүргийн 11 дүгээр хороонд байрлах Бумбатын аманд байршилтай 16.0 га газрыг олгосон гэх. Ингээд 2016 оны дөрөвдүгээр сарын 18-нд  “Реска” ХХК  Богдхан уулын тусгай хамгаалалтай газрыг буудаллах, отоглох зориулалтаар таван жил ашиглах эрхтэй болсон байдаг.

С.БАТБОЛД “РЭСКА” ХХК-ИЙНХАА  НЭР ДЭЭР БОГДХАН УУЛАНД 16 ГА ГАЗАР АВЧ, “АКТИВ” ХХК-Д ЗАРЖЭЭ

     Тэд Богдхан уулын дархан цаазат газар эзэмшсэн 16 га газраа гурван жил хадгалж байгаад 2019 онд “Актив бридж” ХХК-ийн захирал А.Ганбаяр болон түүний ах А.Батбаяр нар худалджээ. Харин А.Батбаяр гэгч нь түүний эзэмшлийн дархан цаазат газар “Бумбат вилла” хотхон барьж, оронд нь 500 м.кв хаус болон Улаанбаатар хотод гурван өрөө байрыг С.Батболдын хүү Б.Рэнжиндоржид өгсөн гэдэг. Тодруулбал, “Актив бридж” ХХК-ийн удирдлагууд Б.Рэнжиндоржид 156 м.кв хэмжээтэй хоёр байшин, 105 м.кв нэг байшин өгсөн байдаг. Мөн 165 м.кв болон 120 м.кв хэмжээтэй байшинг тус бүр зарсан байдаг бөгөөд үлдсэн 165 м.кв хэмжээтэй байшинд нь Б.Рэнжиндорж өдгөө амьдардаг гэх. Зам, тээврийн хөгжлийн Төрийн нарийн бичгийн дарга С.Батболд эрх мэдэл, албан тушаалын байдлаа ашиглан дархан цаазат Богдхан ууланд газар авахад нөлөөлсөн байж болзошгүй гэх шалтгаанаар өдгөө АТГ-т шалгуулж байгаа.

С.БАТБОЛД “АЗИЙН ХӨГЖЛИЙН БАНК”-НЫ ХУДАЛДАН АВАХ АЖИЛЛАГААНЫ ЖУРАМ ӨӨРЧИЛЖ, БУСДАД ДАВУУ БАЙДАЛ БИЙ БОЛГОЖЭЭ

      Мөн тэрбээр Азийн хөгжлийн банкны зээлийн хөрөнгөөр хэрэгжиж буй “Бүс нутгийн автозам хөгжүүлэх, засвар аргачлалын төсөл”-ийн Улаанбаатар, Дархан чиглэлийн 20411 км автозамын өргөтгөл, шинэчлэлийн ажлын хүрээнд сонгон шалгаруулалт явуулсан. Ингэхдээ Азийн хөгжлийн банкны худалдан авах ажиллагааны журам зөрчиж, аж ахуйн нэгжид давуу байдал бий болгожээ. Түүний эрх мэдэл, албан тушаалын байдлаа урвуулан ашиглаж, улсад их хэмжээний хохирол учруулсан гэх дээрх хэргүүдийнх нь талаар өөрөөс нь тодруулсан юм. Тэрбээр  “Би хууль бусаар газар авч, зараагүй. Надад хууль бусаар хийсэн нэг ч  ажил байхгүй” хэмээсэн юм.

ҮНДЭСЛЭЛГҮЙ ХӨРӨНГӨЖСӨН ГЭХ САНДАГДОРЖИЙН БАТБОЛД 89 САЯ 878 МЯНГАН ТӨГРӨГИЙН ОРЛОГОТОЙ ГЭЖ МЭДҮҮЛЖЭЭ

С.Батболд 1970 онд Завхан аймагт төрсөн. 1992-1993 онд Ардын цэргийн 133 дугаар ангийн ротын техникийн орлогч дарга, 1993-2005 онд хувийн хэвшилд тээврийн механик инженер, ЗХД-ийн багш, захирал, 2005-2009 онд Зам, тээвэр, аялал, жуулчлалын яамны харьяа Тээвэр үйлчилгээний төвийн ахлах инженер, Хяналт шалгалтын албаны дарга, 2009-2012 онд Автотээврийн газрын Хяналт шалгалтын хэлтсийн дарга, 2012-2016 онд Зам, тээврийн яаманд Ахлах мэргэжилтэн, 2016-2019 оны нэгдүгээр сарын 9-ний өдрийг хүртэл Зам, тээврийн хөгжлийн яамны Автотээврийн бодлогын хэрэгжилтийг зохицуулах газрын дарга, 2019 оны нэгдүгээр сарын 9-ний өдрөөс Зам, тээврийн хөгжлийн яамны Төрийн нарийн бичгийн даргаар ажиллаж байгаа аж.

    Тэрбээр 2020 оны хөрөнгө орлогын мэдүүлэгтээ “89 сая 879 мянган төгрөгийн орлоготой, 310 сая төгрөгийн нэг орон сууцтай, гурван сая төгрөгийн үнэт эдлэлтэй, 13 сая 894 мянган төгрөгийн хадгаламжтай, Монос хүнс ХК ХК, Венера тур ХХК ХХК, Венера тур ХХК ХХК, Эрдэнэс Тавантолгой ХК ХК, Улсын Их Дэлгүүр ХК, Магнит Од ХХК-иас хувьцаа эзэмшдэг хэмээн мэдэгдсэн байдаг.


ЗАМ, ТЭЭВРИЙН ХӨГЖЛИЙН ЯАМНЫ ТНБД С.БАТБОЛД ЭРХ МЭДЛЭЭ АШИГЛАЖ, БОГДХАН УУЛАНД 16 ГА ГАЗАР АВЧ, БУСДАД ДАМЛАН ЗАРЖЭЭ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 6
  • Сэтгэгдэл үлдээсэн: 2023-01-02 12:30:12
    Irgen: TNBD iim asuudald orchihood baihad Zasag ni solihgui bgaa yum uu.neg Ded saidin medeellig evluuleg hiigeed sevehed urgulig avaad chuluulchuhuj bsan sanagdah yum. Tom artai nuhur bna daa
  • Сэтгэгдэл үлдээсэн: 2023-01-02 12:29:09
    Irgen: TNBD iim asuudald orchihood baihad Zasag ni solihgui bgaa yum uu.neg Ded saidin medeellig evluuleg hiigeed sevehed urgulig avaad chuluulchuhuj bsan sanagdah yum. Tom artai nuhur bna das
  • Сэтгэгдэл үлдээсэн: 2023-01-01 20:51:01
    Түй: Ийм новшнууд бяд нарыг удирддаг гэхээр зэвүү дургүй хоёр зэрэг хүрч байна шүү дээ,, . Оюун-. Эрдэнэ . Ёрөнхий саадаа
  • Сэтгэгдэл үлдээсэн: 2022-12-31 21:44:50
    zochin: novshoon pisda udahgui budaa bolnoo
  • Сэтгэгдэл үлдээсэн: 2022-12-14 10:32:41
    аа яа яа: Цалингийн орлогоор ингэж хөрөнгөжих боломжгүй л байх даа
  • Сэтгэгдэл үлдээсэн: 2022-12-13 20:21:49
    ард түмэн: BUUD
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188