Ховд аймагт 14 настай охин гэрээсээ гараад сураггүй алга болж, ар гэрийнхэн нь хайж байгаа талаарх мэдээлэл тус аймгийн мэдээллийн сайтад нийтлэгдээд байсан юм. Тодруулбал, “14 настай, эмэгтэй Д нь 2021 оны тавдугаар сарын 1-ний шөнө гэрээсээ гараад одоог хүртэл ирээгүй байна. Охиныг минь харсан хүн байвал холбоо барина уу. Гэрээс гарах үедээ ягаан өнгийн малгайтай цув, цайвар өнгийн жинсэн өмд, цагаан саарал пүүзтэй гарсан. Чихээ давсан тайрмал үстэй” гэж бичсэн байсан юм. Зар бичиж, олон нийтэд мэдээлсний дараа охин ээж рүүгээ “Би аюулгүй газар байна. Зараа устга" гэж бичээд байсан билээ. 

Охиныг ар гэрийнхэн нь эсэн мэнд олжээ. Энэ талаар алга болсон гэх охины ар гэрийнхнээс тодруулахад “Бид охиноо олсон. Ямар ч аюалгүй газар байсан байна лээ. Шөнө дунд хүүхдүүдэд уруу татагдаад гараад явсан юм шиг байсан” гэв.