Өнгөрсөн оны арваннэгдүгээр сарын 3-нд хичээлдээ яваад ор сураггүй алга болсон 16 настай Г охиныг онц хэрцгийгээр хөнөөж, цогцсыг нь мөчилж, шуудайнд хийн гудамжинд хаясан аймшигт хэрэг бүртгэгдсэн. Эл хэргийг талийгаачийн төрсөн ах С.Г үйлдсэн болох нь тогтоогдож, шүүхээс түүнд бүх насаар нь хорих ял оноожээ. Энэ талаар талийгаач болон гэмт хэрэгтэн гэх Г-ийн ээж Н.Отгонтуяагаас тодруулахад “Миний охин,  хүүгийн хэргийн шүүх хурал болсон. Хэдэн жилийн хорих ял авсныг нь хэлмээргүй байна. Би том хүүтэйгээ хамт амьдарч байгаа. Миний даралт ихсэж, бага зүрх өвдөж байгаагаас өөр өвдөх зүйл алга. Одоо бүх зүйл дууссан” гэлээ.

Талийгаач айлын ганц охин бөгөөд бага ах, ээжийн хамт Чингэлтэй дүүрэгт нийтийн байранд амьдардаг байсан юм. Төрсөн ах, 18 настай Г нь гэр бүлийн маргааны улмаас талийгаачийг хөнөөж, цогцсыг мөчилж, хоёр шуудайнд хийн гудамжинд хаясан гэдэг.