Байлдагчийн ээж Д.ТОГТОХБАЯР: Харуулын дарга Г-ийн ар гэрийнхэнтэй уулзмаар байна

2021-04-25, 1307

Говь-Алтай аймгийн Алтай сумын Хилийн цэргийн 0214 дүгээр ангийн Баянтоорой заставын хугацаат цэргийн алба хаагчид дөрөвдүгээр сарын 8-ны 18:00 цагийн үед харуулын даргаа хөнөөгөөд зугтсан хэрэг гарсан. Байлдагч Х, М нар харуулын манаанд явж ирээд, харуулын дарга Г-ийн цээжин тус газарт гурван удаа буудаж, амийг нь хөнөөсөн гэдэг. Буу, сумтай уул руу зугтсан хоёр байлдагчийг дөрөвдүгээр сарын 11-нд баривчилж, Говь-Алтай аймагт цагдан хориод байгаа.

Хэргийн явцын талаар Ховд аймгийн Чандмань сумаас цэргийн албанд татагдсан байлдагч О.Х-ийн ээж Д.Тогтохбаяраас тодруулахад “Бид сумаасаа хаашаа ч гарч болохгүй байна. Хөл хориотой учраас ийш, тийш явах хориотой. Даваа гарагаас Говь-Алтай аймаг руу хүүтэйгээ уулзахаар явна. Хүү минь нэг л удаа аман мэдүүлэг өгөөд байгаа гэсэн. Ингэхдээ “Дарга намайг зодож, тамладаг байсан” л гэж хэлсэн байна лээ. Өөр зүйл ярьсан талаар өмгөөлөгч маань хэлээгүй. Хүүгийн минь гар идээлж, хавдсан байна гэсэн. Бид чаддаг бол талийгаачийн ар гэрийнхэн болон хүүтэй хамт явсан байлдагчийн аав, ээжтэй уулзаж, ярилцмаар байна. Даанч бидэнд утасны дугаар нь ч олдохгүй юм. Цэргийн ангитай нь ядаж холбогдмоор байх юм. Ямар ч мэдээлэлгүй л сууна. Уулын мухарт байгаа бидэнд ямар ч мэдээлэл байх билээ” гэв.

Байлдагчийн ээж Д.ТОГТОХБАЯР: Харуулын дарга Г-ийн ар гэрийнхэнтэй уулзмаар байна

Шинэ мэдээ

Нийтлэлчид