Хилийн цэргийн 0214 дүгээр ангийн байлдагчид харуулын дарга хөнөөгөөд зугтсан хэрэг өчигдөр гарсан.

Тэгвэл үүнтэй холбоотой Цагдаагийн ерөнхий газрын Хэвлэл мэдээллийн төвийн дарга, дэд хурандаа Б.Баатархүү мэдээлэл хийлээ. Тэрбээр "Өчигдөр 22:58 цагт Говь-Алтай аймгийн цагдаагийн газарт хилийн цэргийн постон дээр хүн нас барсан гэх дуудлага мэдээлэл ирсэн. Дуудлагын дагуу цагдаагийн газраас ажлын хэсэг гарсан байгаа юм. Ингэхэд харуулын дарга, 34 настай эрэгтэй хүн буудуулж нас барсан байсан. Хилийн цэргийн алба хаагчид галт зэсэгтэй зугтсан нөхцөл байдал тогтоогдсон. Үүнийг аймгийн цагдаагийн газар шалгаж байна. Цэргүүдийг хяналтандаа авч байршлыг нь тогтоосон. Гол нь гэмт хэрэгт сэрдэгдэж байгаа этгээдүүд галт зэвсэгтэй, сумтай зугтсан. Маш аюултай. Өөрсдийгөө болон бусдыг хохироох эрсдэлтэй" гэлээ.