Өнгөрсөн оны арваннэгдүгээр сарын 3-нд хичээлдээ яваад ор сураггүй алга болсон 16 настай Г охиныг онц хэрцгийгээр хөнөөж, цогцсыг нь мөчилж, шуудайнд хийн гудамжинд хаясан аймшигт хэрэг бүртгэгдсэн. Эл гэмт хэргийг үйлдсэн байж болзошгүй хэмээн талийгаачийн төрсөн ах С.Г цагдаагийн байгууллагаас саатуулан шалгаж байгаа. Харин ар гэрийнхэн нь түүнийг “Дүүгээ хөнөөгөөгүй, хэлмэгдсэн” хэмээн үзэж байсан юм. Талийгаач айлын ганц охин бөгөөд бага ах, ээжийн хамт Чингэлтэй дүүрэгт нийтийн байранд амьдардаг байсан. Гэмт хэрэгтэн охины цогцсыг мөчилж, хоёр шуудайнд хийн том ах нарынх нь амьдардаг гэрийн ойролцоо хаясан гэдэг. Төрсөн дүүгээ хөнөөсөн гэх С.Г-д бүх насаар нь хорих ял төлөвлөсөн гэх мэдээлэл гараад байгаа билээ. Бид хэргийн талаар талийгаач болон гэмт хэрэгтэн гэх Г-ийн ээж н.Отгонтуяагаас тодруулах гэсэн боловч тэрбээр мэдээлэл өгөхөөс татгалзлаа.

-Таны охины хэрэгтэй холбоотойгор гурван залууг шалгаж байгаа гэсэн мэдээллийг та өгч байсан шүү дээ. Хэрэг ямар шатандаа явж байна вэ?

-Би хэргийн талаар ямар ч зүйл мэдэхгүй. Тэр гурван залуу хамаагүй. Тэднийг шалгаагүй.

-Та хүүтэйгээ уулзаж байгаа юу?

-Үгүй. Миний сэтгэл санаа маш хэцүү, дарамтад байгаа учир мэдээлэл өгөхгүй.

-Таны хүү үнэхээр хэргээ хүлээсэн нь үнэн юм уу?

-Мэдэхгүй.