Булган аймгийн Орхон сумын Засаг дарга Б амиа алджээ. Тодруулбал, гуравдугаар сарын 3-4-нд шилжих шөнө Б нь бусдын гарт харамсалтайгаар амиа алдсан байж болзошгүй байна. Энэ талаар ЦЕГ-ын Хэвлэл мэдээллийн төвийн дарга Б.Баатархүүгээс тодруулахад “Ийм хэрэг гарсан нь үнэн. Одоогийн байдлаар шалтгаан нөхцөлийг хэлэхэд эрт байна. Дуудлага ирсэн даруй бид шалтгалтын ажиллагаа хийж, хэрэг бүртгэл нээн хэргийг үргэлжлүүлэн шалгаж байна” гэв.

Эх сурвалжийн мэдээлж буйгаар эл хэрэгт Орхон сумын цагдаагийн хэлтсийн хэсгийн төлөөлөгчийг шалгаж байгаа гэх. Учир нь, хэрэг гардаг өдөр талийгаач ажлын бус цагаар хэсгийн төлөөлөгчтэй уулзахаар явсан гэнэ. Түүгээр ч зогсохгүй цагдаагийн байранд архидан согтуурч, нэгнийхээ аминд хүрсэн байж болзошгүй аж.