Өчигдөр буюу гуравдугаар сарын 8-нд Чингэлтэй, Баянзүрх дүүргээс хоёр охин алга болжээ. Тодруулбал, нэгэн ээж өчигдөр 14:00 цагийн үед “Хүүхэд минь алга болчихлоо. Яаралтай шэйр хийгээд өгөөч. Гуравдугаар сарын 8-ны 14:00 цагийн үед Бөхийн өргөөний “Шөлөндөө” түргэн хоолны газрын ард талд .. дугаар байрлах байрны тоглоомын талбайгаас 10 настай охин минь алга болчихлоо. Харсан хүн байвал 88....... дугаарт мэдэгдээд өгөөрэй. Ягаан куртик өмсөж явсан” хэмээн нэгэн ээж өчигдөр олон нийтийн сүлжээнд бичжээ. Мөн үүний дараагаар нэгэн аав  "Шэйр хийгээд өгөөрэй. Охин минь алга болчихлоо. Харсан хүн байвал 8830.... дугаар руу залгаарай” хэмээн бичсэн байсан юм.

Тэгвэл гэрээсээ төөрч, алга болсон охидыг эсэн мэнд олж, ар гэрийнхэнд хүлээлгэж өгсөн талаар Цагдаагийн ерөнхий газрын Хэвлэл мэдээллийн төвөөс мэдээллээ.