“Хүүхэд минь алга болчихлоо. Яаралтай шэйр хийгээд өгөөч. Гуравдугаар сарын 8-ны 14:00 цагийн үед Бөхийн өргөөний “Шөлөндөө” түргэн хоолны газрын ард талд .. дугаар байрлах байрны тоглоомын талбайгаас 10 настай охин минь алга болчихлоо. Харсан хүн байвал 88....... дугаарт мэдэгдээд өгөөрэй. Ягаан куртик өмсөж явсан” хэмээн нэгэн ээж өчигдөр олон нийтийн сүлжээнд бичжээ. Тэгвэл алга болсон гэгдэж байсан охиныг эсэн мэнд олжээ. Энэ талаар Б.Э охины ээжээс тодруулахад “Бид хүүхдээ олсон, санаа зовсон хүмүүст баярлалаа. Мөн хамт хайж, бидний бичсэн зарыг олон хүнд түгээж өгсөн сайхан сэтгэлтэй хүмүүст маш их баярлаж байна. Бид хэдийгээр хурдан хугацаанд хүүхдээ олсон ч цахим сүлжээнд бичсэн зар  одоо хүртэл шэйрлэгдэж, олон хүний санааг зовоож байгаа бололтой. Иймд тухайн зарыг шэйр хийж өгсөн хүмүүсээс устгаж өгөхийг хүсэж байна” гэх мэдээллийг өглөө.