Допингийн шинжилгээнд бүдэрсэн бөхчүүдийн ХЭРГИЙГ ХЭРЭГСЭХГҮЙ БОЛГОЖЭЭ

Д. Чанцалдулам:
Эрэн сурвалжлах- Үйл явдлын мөрөөр

2021-03-06, 7831

Допинг хэрэглэсэн Улсын аварга Н.Батсуурь, арслан Р.Пүрэвдагва, харцага Б.Бат-Орших нар Ардын хувьсгалын 100 жилийн ойд зодоглох боломжтой болжээ

Тулгар төрийн 2229, Их Монгол Улс байгуулагдсаны 814, Ардын хувьсгалын 99 жилийн ойн их баяр наадмын Үндэсний бөхийн барилдаанд шөвгөрсөн 16 бөхөөс допингийн шинжилгээ авсан билээ. Шинжилгээний хариу БНСУ-ын олон улсын итгэмжлэгдсэн лабораторид хянагдаж, гурван бөхөөс хориотой бодис илэрсэн талаар өнгөрсөн оны есдүгээр сард мэдэгдсэн. Тодруулбал, Улсын аварга Н.Батсуурь, арслан Р.Пүрэвдагва, харцага Б.Бат-Орших нарын шинжилгээнээс допингийн төрлийн бодис илэрсэн гэгдэж байсан. Допингийн шинжилгээнд бүдэрсэн гэгдэж буй бөхчүүд тухайн үед дараах тайлбарыг өгч байлаа.

Улсын аварга Н.БАТСУУРЬ: Үндэсний их баяр наадмаар үзүүрлэж, тод сайхан гэдэг чимэг авсан. Ингээд хоёр сарын дараа допингийн шинжилгээний хариу ирж, таны биеэс хориотой бодис илэрсэн гэх хариу өгсөн. Үүнийг би хүлээн зөвшөөрч байна. Шинжилгээний хариуг үнэн зөв гэж бодож байна. Миний биеэс примецидан гэх бодис илэрсэн. Энэ нь зүрхний эм бөгөөд Монголд эмийн сангуудаар нэг ширхэг нь 400 төгрөгөөр худалдаалдаг. Энэ эм миний биед гаднаас орж ирж байж надаас илэрсэн болж таарлаа. Тиймээс миний бие хариуцлагаа хүлээхэд бэлэн. Үүнийг холбогдох байгууллагууд шийдэх байх. Би шээсээ өөрөө лацдаад өгсөн. Тэнд алдаа гарах ёсгүй. Дархан аварга цолыг мөрөөдөж, зорьж яваа надад энэ эмийг хэрэглэх шаардлага байхгүй.

Улсын арслан Р.ПҮРЭВДАГВА: Би шинжилгээний хариуг үгүйсгэж, мэлзэхгүй. Үнэхээр санамсар, болгоомжгүйгээсээ болж ийм алдаа гаргалаа. Миний буруу. Монголынхоо ард түмнээс хүлцэл өчье. Уучлалт гуйгаад л болоо юу гэж хүмүүс намайг шүүмжилж байна. Гэхдээ үнэнээ хэлэх шиг сайхан зүйл үгүй. Хэрэв миний бэртлийн эмчилгээнд хориотой бодис орсон, шинжилгээнээс хориотой эмийн төрлийн бодис илрэхийг мэдсэн бол би монголчуудаа, төрийн наадмаа, бөхчүүдээ хүндлээд энэ жилийн баяр наадамд зодоглохгүй, өнжих байсан.

Харин Улсын харцага Б.Бат-Оршихийн хувьд ямар ч тайлбар, мэдээлэл өгөөгүй билээ.

Тэгвэл допингийн шинжилгээнд бүдэрсэн дээрх гурван бөхийн хэргийг хэрэгсэхгүй болгожээ. Өөрөөр хэлбэл, Улсын аварга Н.Батсуурь, арслан Р.Пүрэвдагва, харцага Б.Бат-Орших нарын хэргийг хэрэгсэхгүй болгож, хаасан гэсэн үг.

Албаны эх сурвалжийн мэдээлснээр бөхчүүдийн хэргийг АТГ-аас прокурорын байгууллагад шилжүүлсэн ч хэрэгсэхгүй болгосон гэнэ. Бөхчүүдийн шинжилгээний хариу БНСУ-аас ирэхгүй удсан тул ийм шийдвэр гаргасан гэв. БНСУ-аас бөхчүүдийн шээс мөн эсэхийг батлах дэлгэрэнгүй хариу ирсэн тохиолдолд хэргийг шалгах боломжтой байсан аж. Өөрөөр хэлбэл, дэлгэрэнгүй шинжилгээний хариу байхгүйн улмаас бөхчүүдийн шээс мөн, бишийг тогтоох боломжгүй болсон тул хэргийг хэрэгсэхгүй болгожээ. Харин БНСУ-ын талаас бататгах хариуг явуулахгүй удсан шалтгаан нь “Монгол Улс манайхыг гуйж шинжилгээ хийлгэдэг. Манай шинжилгээнд итгэхгүй байвал өөр улстай харьцана уу” гэх хариу тайлбар өгсөн гэх.

Хэргийг ийнхүү хэрэгсэхгүй болгосноор допинг хэрэглэсэн Улсын аварга Н.Батсуурь, арслан Р.Пүрэвдагва, харцага Б.Бат-Орших нар Ардын хувьсгалын 100 жилийн ойгоор зодоглох боломжтой болов.

Допингийн шинжилгээнд бүдэрсэн бөхчүүдийн ХЭРГИЙГ ХЭРЭГСЭХГҮЙ БОЛГОЖЭЭ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 27

Сэтгэгдэл үлдээсэн: 2021-03-10 09:57:02

Erdenebat: Aaviin huuhduudiig alag uzej bolohgui
Сэтгэгдэл үлдээсэн: 2021-03-10 09:57:00

Erdenebat: Aaviin huuhduudiig alag uzej bolohgui
Сэтгэгдэл үлдээсэн: 2021-03-10 09:56:38

Erdenebat: Aaviin huuhduudiig alag uzej bolohgui
Сэтгэгдэл үлдээсэн: 2021-03-10 08:07:22

doping: xaxaxaxaxax yaxab ee yaxab ee xexexexexex doping xexexexexexd
Сэтгэгдэл үлдээсэн: 2021-03-09 11:51:23

Zochin: Nerteigeer ni tsagdaagiin tsol nemj uguud shagnchihmaar yum da yaasan ichdeggui bulainuud ve. Ter Adiyabat Sumanchuluun 2 iin tsoliig uguuchee
Сэтгэгдэл үлдээсэн: 2021-03-09 10:39:32

Ннн: Болио муухай харгадаж байна жудагтай байцгаа бөхчүүд байж
Сэтгэгдэл үлдээсэн: 2021-03-06 17:37:51

Болдогсон бол: Цолыг нь чимэгийг хураах нь зөв. Батсуурь бол 2014,2018,2020 онуудад ядрахгүй сэргээш хэрэглэсэн тул Батсуурь гарьд гэж цол олговол зохино. 2019 онд хэрэглэсан Оюунболдоос аварга цолыг хурааж арслан болгох. Пүрэвдагва, Бат-Орших, Цэрэнтогтох нарын чимэгийг хурааж бүгдийг нь 100 жилээр барилдуулах нь зүйтэй гэж бодож байна
Сэтгэгдэл үлдээсэн: 2021-03-06 15:07:54

Зочин: За зайлаа хэрвээ батсуурь гэх мэт юмсууд барилдвал 100 жил утгаа алдана
Сэтгэгдэл үлдээсэн: 2021-03-05 14:25:45

БӨХ СОНИРХОГЧ: Допинг хэрэглэхгүй шударга барилдсан бөхчүүдийн хохь болохуу тэгээд. Нэг л бишээ.
Сэтгэгдэл үлдээсэн: 2021-03-04 23:43:21

Aaa: Aaviin huug alag uzehgu shu
Сэтгэгдэл үлдээсэн: 2021-03-04 22:56:47

Мөөгий: Бүх бөхчүүд эм тариа хэрэглэж байгаа шүү дээ
Сэтгэгдэл үлдээсэн: 2021-03-04 19:13:09

Эрдэгэ: Энэ бол луйвар, аавын хүүхдүүдийг алагчилж болохгүй.2 жилээр хасах хэрэгтэй.
Сэтгэгдэл үлдээсэн: 2021-03-04 18:53:20

Enkhamgalan: Zvgeer l sumo bolchih ydargaa jingee nemeel . 2 holboo bh heregtei bolj bna meregjiliin sonirhogchiin holboo geed . ******** mgl aduu geed uralddag shig
Сэтгэгдэл үлдээсэн: 2021-03-04 17:50:08

Г.Батнасан: Шүүх, АТГ-орж шийдэшдсэн гэх бүх хэрэг тэгж ингээд л замардаг болж дээ. Цаашид нэгэнт шинжилгээ хийх газар олдохгүйгээс хойш өнөө цагийн бөхчүүд маань ёстой дуртай юмаа хэрэглээд байж дээ. Харин эсэргүүцдэг шудрагаар өрсөлдөх бөхчүүд маань бөхийн эгнээнээс холдохоос өөр зам үлдэхгүй нь. Хөөрхий гарьд Баторших, заан Пүрэвсайхан, начин Д.Цэрэнтогтох нар л хохирлоодоо.
Сэтгэгдэл үлдээсэн: 2021-03-04 17:21:45

Пүрэвсайхан : Сая тэгвэл хэрэглээд барилдсан бол түрүүлэх байсан юм. Хайран юм
Сэтгэгдэл үлдээсэн: 2021-03-04 17:20:49

Ясаа цатал үзээ: Гоё гоё бүгдээрээ гараад ясаа цайтал үзээ хө
Сэтгэгдэл үлдээсэн: 2021-03-04 16:59:36

хангай: Новш юмаа. Тэгвэл тэр Суманчулуун Адьяабат билүү тэр 2ийн цолыг өг л дөө. Бүгдээрээ допинхийгээд барилд лдаа. Үхвэл таарсан улстөрчдийн нөлөө орохоор л ийм юм болдог юм.
Сэтгэгдэл үлдээсэн: 2021-03-04 16:00:48

Зочин: Одоо тэгээд аль улсыг царай алдаж шинэжилгээгээ хийлгэнэ дээ ха ха ха
Сэтгэгдэл үлдээсэн: 2021-03-04 15:58:17

зочин: одоо бүгдээрээ тултал нь допинг хэрэглээд барилддаа монгол бөх сөнөжээ
Сэтгэгдэл үлдээсэн: 2021-03-04 15:49:39

Зочин: Болгоомжтой л эм уулдаа хамаагүй хэнэгүй байж болохгүй залуучуудаа бөхчүүдээ за
Сэтгэгдэл үлдээсэн: 2021-03-04 15:04:45

сэтгэгдэл: Оюунболдоос хамаг юм болж бгаа юм
Сэтгэгдэл үлдээсэн: 2021-03-04 13:44:25

zochi: за за одоо бүр мангар тэнэг улс болгож байгаа юм байна л даа ард түмнийг БНСУ ийм хариу өгөх үү тэнэг хүн хуурч байгаа юм биш үү (хоёр хүний хэрүүл биш)
Сэтгэгдэл үлдээсэн: 2021-03-04 13:08:48

Борту: Арай юмаа! Тэгвэл допингийн шинжэлгээ авах хэрэг байгаа юмуу? Оюунболд 4 төрлийн бодис илэрч аварга цолтойгоо үлдэж, Батсуурь, Пүрэвдавга, Бат-Орших 11 сараар эрхээ хасуулж 100 жилээр барилдах юм бол бөөн шуугиаан болож Санжаадамба тэргүүтэй допинг эсэргүүцэгчид барилдахгүй гээд заваарсан юм болохнээ!
Сэтгэгдэл үлдээсэн: 2021-03-04 12:52:33

н: Ингэж болохгүй шүү дээ урьд наадмаар болон явцын шинжилгээнд бүдрсэн бөхчүүд Допин илэрсэн гэдгээ хүлээн зөвшөөрөөд 2 жил хэл амгүй барилдаан өнжсөн байхад энэ 3 бөх яагаад 99 жилийн наадмаар допинд бүдрээд 100 жилд барилдан гэж шудрага эрх тэгш байх хэрэгтэй
Сэтгэгдэл үлдээсэн: 2021-03-04 12:00:20

buh sonirhogch: emnii une hamaaguishdee. avargaa
Сэтгэгдэл үлдээсэн: 2021-03-04 11:54:46

Зочин: Дэлхмын стандартыг заваан жалгын Монголчилох зангаасаа салах болмон. Тохирсон шийтгэлмйг оноох ХЭРЭГТЭЙ. Ямар аавын хүүг 2 жил хасаад цолыг нь хураадаг. Танил тал мөнгөтөй гэхээр 11сар гэх шиг. ОУ журмаар явах тэр зшй тогтолоо дагах ХЭРЭГТЭЙ . Аавын хүүг алагаар үзээд арай баба бна даа.
Сэтгэгдэл үлдээсэн: 2021-03-04 10:23:59

Bava: Shinjilgee huramch bee...