Нийтийн тээвэрт парк шинэчлэл хийхтэй холбоотой энэ жил төсөвт 420 тэрбум төгрөгийг тусгасан. Улмаар парк шинэчлэлтийн нэгдүгээр ээлжийн автобуснуудыг энэ оны нэгдүгээр сараас үйлчилгээнд нэвтрүүлж эхэлсэн бол хоёрдугаар ээлжийн автобусыг хилээр оруулж ирсэн ч үйлчилгээнд явуулахгүй байгаа гэх мэдээллүүд гарч байв.

 Нийтийн тээврийн парк шинэчлэлтэд “Эрдэм транс” ХХК 135 автобус БНСУ-аас нийлүүлсэн байна. Харамсалтай нь, тус компани эдгээр автобусыг оруулж ирэхдээ арлын дугаар болон оныг нь засварлаж, хуурамч бичиг баримт бүрдүүлэн улсын төсвөөс мөнгө авсан гэх асуудлаар Эрүүгийн цагдаагийн албанд хэрэг үүсгэн шалгаж эхэлжээ.

Энэ талаар бид Цагдаагийн ерөнхий гзарын хэвлэл мэдээлэл олон нийттэй харилцах хэлтсийн мэрэгжилтэн Б.Дэлгэрхангайгаас тодруулахад “Эрүүгийн цагдаагийн газраас “Эрдэм транс” ХХК-ийн удирдлагуудыг шалгаж эхэлсэн нь үнэн. Одоохондоо ямар үндэслэлээр шалгаж эхэлсэн талаар мэдээлэл өгөх боломжгүй” гэх тайлбар өглөө.