• Өнөөдөр 2024-03-28

ТАЛИЙГААЧ ОХИНЫ АР ГЭР: “ДАВТЛАГАНДАА ЯВЛАА” ГЭЖ ХЭЛЭЭД ГАРСАН ОХИН МИНЬ АМИА АЛДЧИХЛАА

2023-05-11,   13792

         Өвөрхангай аймгийн Арвайхээр хотод өсвөр насны охин өндрөөс унаж, амиа алдсан харамсалтай хэрэг гараад байна. Талийгаач охин юуны учир амиа хорлосон зэрэг хэргийн эргэн тойронд дараах мэдээллийг бэлтгэлээ.

ЦЕГ: 15 НАСТАЙ ОХИН ЭМНЭЛЭГТ ХҮРГЭГДЭЖ, ШАРХАА ДААЛГҮЙ НАС БАРСАН

    Өвөрхангай аймгийн дугаар сургуулийн аравдугаар ангийн сурагч Г дугаар байрны дээврээс унаж, нас баржээ. Охин бусдад хүчирхийлүүлсэн хэргээр цагдаагийн байгууллагад удаа дараа гомдол, мэдүүлэг өгч байсан гэх.

Энэ талаар ЦЕГ-ын Хэвлэл мэдээллийн төвөөс тодруулахад “Өвөрхангай аймгийн Бүсийн оношилгоо, эмчилгээний төвд хоёр хөлийн шилбэ хэсгээр хугарсан өсвөр насны эмэгтэй хүүхэд хүргэгдэн ирлээ” гэх дуудлага тавдугаар сарын 9-ний 21:05 цагт цагдаагийн газарт ирсэн. Дуудлагын дагуу Өвөрхангай аймгийн цагдаагийн газрын албан хаагчид шалгалтын ажиллагаа явуулахад “Арвайхээр сумын дугаар хаягт бүртгэлтэй, 15 настай эмэгтэй хүүхэд орон сууцны дээврээс унасан байдалтай эмнэлэгт хүргэгдсэн ирсэн байсан. Анхан шатны тусламж үзүүлэх явцад охин шархаа даалгүй амиа алдсан байна. Талийгаач ” гэв.

ТАЛИЙГААЧ ОХИН СУРАГЧДЫН АМРАЛТААР ХҮЧИРХИЙЛҮҮЛЖЭЭ

       Талийгаач охин Арвайхээр сумын дугаар сургуулийн аравдугаар ангид сурдаг байжээ. Энэ оны нэгдүгээр сард охины ээж цагдаагийн байгууллагад “Охин маань бэлгийн харилцаанд орсон байж болзошгүй байна. Шалгаж өгнө үү” гэж хандаж, дуудлага, мэдээлэл өгчээ. Цагдаагийн албан хаагчид хэрэг бүртгэл нээн шалгаад, дөрвөн сар өнгөрсөн байна. Харамсалтай нь, энэ хугацаанд хэрэг шийдэгдээгүй буюу охин сэтгэл санааны гүн хямралд орж, амиа хорлосон байж болзошгүй ажээ.

        Энэ талаар эх сурвалжаас тодруулахад “Охины ээж нэгдүгээр сард цагдаагийн байгууллагад хандаж, охиноо эмнэлэгт үзүүлсэ гэсэн. Хэрэг гарах үед сурагчдын амралт болж байсан. Аав, ээж нь мал маллаж, хөдөө байсан юм байна лээ. 20 гаруй насны залуу охинтой бэлгийн харьцаанд орж, буудалд орсон бичлэг нь байгаа гэсэн. Хэрэг шалгагдах явц яагаад удааширсныг мэдэхгүй байна. Хэрэв хурдан хугацаанд шалгаад, охинд шаардагдах эмчилгээ, сэтгэл зүйн зөвлөгөө өгчихсөн бол ийм харамсалтай зүйл болохгүй байсан байх. Шалгаж байсан мөрдөгч нь хэргийг удаашруулсан байж болзошгүй. Охин хүчирхийлүүлснийхээ дараа хичээлдээ 14 хоног яваагүй. Ангийн багш нь ээжтэй нь холбогдоход “Охиноо эмнэлгээр үзүүлж, цагдаагийн байгууллагад хандсан байгаа” гэж хэлсэн гэсэн. Өөр бусад зүйлийг хэлээгүй юм байна лээ. Охины сурдаг сургуулийнхан хүчирхийлүүлсэн талаар огт мэдээгүй байсан” гэв.

ТАЛИЙГААЧ ОХИНЫ ЭЭЖ: БИД МАШ ИХ ГОМДОЛТОЙ БАЙНА

       Бид талийгаач охины ээж О-той холбогдоход “Одоогоор ямар ч мэдээлэл өгөх боломжгүй байна. Би Өвөрхангай аймаг руу явж байна (өчигдөр 14:00 цагийн үед). Очоод өмгөөлөгч авна.Охиноо алдсан бид маш их гомдолтой байна. Нууцын зэрэглэлтэй хэрэг болоод байгаа юм биш үү” гэсэн юм.

Охины ээж Өмнөговь аймгийн Ханбогд сум, Цагаанхад суурьшлын бүсэд ажил хийдэг байжээ. Тэрбээр өнгөрсөн дөрөвдүгээр сараас хойш уг газарт ажиллаж байжээ. Мөн тэрбээр дулааны улиралд аймгийн төвдөө хүүхдийн тоглоом зарж, унадаг дугуй түрээслэж, амжиргаагаа залгуулдаг байсан байна. Талийгаач охин ээжийнхээ ажилд тусладаг байсан талаар эх сурвалж мэдээлэв.

ТАЛИЙГААЧ ОХИНЫ ААВ: ХЭРЭГ ГАРАХ ҮЕД БИ ГЭРТЭЭ БАЙСАН

       Талийгаач охин хэрэг гардаг сэтгэл санаа нь хэвийн, дүүгээ цэцэрлэгээс нь аваад гэртээ харьсан талаар ойр тойрных нь ярьж байна. Мөн тэд охиноо амиа хорлосонд эргэлзэж байгаа талаар хэлэв. Талийгаач охин хоёр дүү, нэг ах, аав, ээжтэйгээ амьдардаг байжээ. Ах нь цэргийн албанд татагдаж, гэртээ хоёр дүүтэйгээ амьдарч байсан байна.

   Бид охины аавтай холбогдож, эмгэнэл илэрхийлж, юу болсон талаар тодруулахад “Бид гэртээ байсан. Охин минь давтлагандаа явлаа” гээд гэрээсээ гарсан. Амиа алдсанд маш их харамсаж, гайхаж байна. Бидэнд маш хэцүү байна. Эхнэр болон ах, дүү минь Улаанбаатар хотоос ирж байгаа. Бидэнд өөр хэлэх юм алга даа. Цэрэгт явсан хүү минь чөлөөгөөр ирж байгаа” гээд өөр мэдээлэл өгөхөөс татгалзлаа.

Талийгаач охины эгчийн хэлснээр “Дүү минь сурагчдын амралтаар Улаанбаатар руу явах төлөвлөгөөтэй байсан. Хэрэг гардаг өдөр сэтгэл санаа нь хэвийн, дүү нараа хараад гэртээ байсан юм билээ. Тэгээд орой нь давтлагандаа явлаа гээд гарсан гэсэн. Давлагандаа очоогүй гэсэн. Бид өөр газарт байдаг учраас хүчирхийлүүлсэн, цагдаад байцаалт өгсөн зэргийг нь мэдээгүй” гэлээ.

ТАЛИЙГААЧ ОХИНЫ АНГИЙН БАГШ: ОХИН 13:15 ЦАГ ГЭЭД ХИЧЭЭЛЭЭ ТАРААД ЯВСАН. СОНГОН СУДЛАХ ХИЧЭЭЛДЭЭ СУУГААГҮЙ

Бид талийгаач охины ангийн багш н.Адъяасүрэнтэй холбогдож, зарим мэдээллийг авлаа.

         Тэрбээр “Хэрэг гардаг өдөр би сүүлийн цаг ангидаа орсон. Талийгаач охин хичээлдээ бага зэрэг хожимдож ирсэн. Тэгээд хичээлээ тарчихаад нэгдүгээр ангийн дүүгээ авахаар явсан. Ангийнхаа найзуудтай харилцахдаа зүгээр байсан гэж байна лээ. Миний ажигласнаар ч сэтгэл санаа нь хэвийн байсан. Охин нийгмийн идэвх саатай, гоё дуулдаг байсан. Өнгөрсөн дөрөвдүгээр сард урлагийн үзлэг болж, гурван төрөлд амжилттай оролцсон. Ангийнхантайгаа эвтэй, нээлттэй харилцдаг охин байсан. Харин аав, ээж нь хөдөө гадаа явдаг учраас ар гэрийн халамж бага зэрэг тааруу. Охин хоёр дүүдээ анхаараад, өөртөө цаг зав гаргах нь бага байсан. Нэг дүүгээ цэцэрлэгт зөөгөөд өглөөдөө бага зэрэг хожимддог. Өдөр нь нэгдүгээр ангийн дүүгээ уншуулж, бичүүлнэ гээд тараад л гүйгээд явчихдаг байсан. Мөн ээждээ туслаад худалдаа наймаа эрхэлдэг байсан. Би аав, ээжтэй нь холбогдож, анхаарал халамж суларч байгаа талаар үе үе хэлдэг байсан. Хайран сайхан охиноо алдчихаад манай ангийнхан хэцүү байдалтай байна. Бид өчигдөр цагдаагийн байгууллагад очиж, мэдүүлэг өгсөн. Мэддэг бүхнээ хэлсэн. Талийгаач охин маань сонгон судлах хичээлдээ суухгүй байсан. Хэрэг гардаг өдөр ч давтлагандаа суугаагүй юм байна лээ” гэлээ.

ЗЭВСЭГТ ХҮЧНИЙ 256 ДУГААР АНГИЙН ЗАХИРАГЧ: Хэргийн талаар мэдэхгүй

              Охиныг хүчирхийлсэн байж болзошгүй эрэгтэй нь 24 настай, цэргийн ангид ажилладаг гэх мэдээлэл бий. Бид энэ талаар Өвөрхангай аймгийн Зэвсэгт хүчний 256 дугаар ангийн захирагчтай холбогдож, тодруулахад “Манай албан хаагч хүчингийн хэрэгт холбогдоогүй. Өнгөрсөн нэгдүгээр сараас хойш албан хаагчтай холбоотой мэдээлэл цагдаагийн байгууллагаас ирээгүй” гэлээ.

 


ТАЛИЙГААЧ ОХИНЫ АР ГЭР: “ДАВТЛАГАНДАА ЯВЛАА” ГЭЖ ХЭЛЭЭД ГАРСАН ОХИН МИНЬ АМИА АЛДЧИХЛАА
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 9
  • Сэтгэгдэл үлдээсэн: 2023-05-19 13:25:27
    зочин: хүүхэд хэрэгт төвөгт орох амь насаа алдах нь шууд эцэг эх асран хамгаалагчтхй нь холбоотой. одоо нээг их бурууг бусдаас эрдэг бусад нь булзаж гүйдэг болж
  • Сэтгэгдэл үлдээсэн: 2023-05-14 17:13:08
    Зочин: Охины ээж нь эцэг,эх нь охиндоо дэндүү их ачаалал өгч 1-р ангийн дүүгийн хичээл ямар хэцүү билээ, бас нэгийг нь цэцэрлэгт хүргэнэ гээд ямар их зовдог байсан юм бэ! Ээж нь тэр ажлыг нь хийх ёстой бсан!!! Ээж нь охиноо цагдаад хэлж байхаар охинтойгоо тайван ярилцаж, өөрөө ажиглаж, эмнэлэгт үзүүлж аль болохоор амгалан тайван байсан бол энэ охин амьд л байх байсан юм даа.
  • Сэтгэгдэл үлдээсэн: 2023-05-12 08:13:17
    Zochin: Hairan saihan ohin 15 jil usguj undiilguchuud eej aavd n yamar hetsuu bgaa boldoo ih hetsuu setgel zuitei yvj bjdee tsagdaa gj neeree yag yu hiideg yumbee irgenee hamgaalah chin uureg n bish yumuu
  • Сэтгэгдэл үлдээсэн: 2023-05-12 06:04:07
    Ukhnaa Khurelsukh: Tsagdaa ch ajlaa hiij chadahaa baijee. Dargiig n soli!!!
  • Сэтгэгдэл үлдээсэн: 2023-05-11 14:30:02
    zochin: Aav eejuudee tsetseg tsevruu oxin ursee xairalj xamgaalj yavaachee Mongoliin maani negen goo buzesgelent busgui enxrii bulbarai oxin burxanii oron luugaa denduu ert odloo doo
  • Сэтгэгдэл үлдээсэн: 2023-05-11 12:50:37
    Зочин: Аав ээж нь халамж анхаарал муутай, тэгсэн хэрнээ олон хүүхэд төрүүлсэн хэцүү амьдралтай айлд төрж өсчээ. Хөөрхий охин хар багаасаа дүү нараа сургууль цэцэрлэгт нь зөөж, эцэг эхийнхээ өмнөөс ээж аавын үүрэг гүйцэтгээд, хажуугаар нь хүчирхийлэлд өртөж жаахан биедээ баймгүй их ачаа, зовлон шаналал үүрч байсан байх нь ээ. Эвий дээ. Дараа төрөлдөө сайн хүний үр хүүхэд болж төрөөд, ээж аавын хайр энхрийлэлд өсч торнин, аз жаргалтай хүүхэд насаараа амьдарч үзээсэй дээ . Ум ма ни бад ми хум.
  • Сэтгэгдэл үлдээсэн: 2023-05-11 12:39:39
    Гэгээн: Ер нь цагдаа сэргийлэх гээд бусад руу дайрахад илүү ар гэр эцэг эх нь хүүхэдтэйгээ сайн ярилцаж анхаарал халамж тавьдаггүй шээс ийм хэргүүд их гарц байгаа.хүүхэд хамгаалал шүүх цагдаа гээд хүн болгонд анхаарал тавиад хараад дагаад явна гэж байхгүй ш дээ.хайран сайхан охин.Гэр бүлийн анхаарал сулаас болж л хүүхдүүд хохирогч болоод байна
  • Сэтгэгдэл үлдээсэн: 2023-05-11 08:50:01
    хаха: Энэ балай цус ойртсон эцэг эхчүүдээс л хамаг юм болж байна даа. Хэдий бага настай ч тэгээд ээж нь гэж балай хүүхэн яаж аашилж, хүнд хэцүү байдалд оруулж, сэтгэл санааг нь гэмтээсэн болдоо. Янхан банзлаар нь дуудаж цагдаа сэргийлэх рүү чирж, нөгөө залууг нь айлгаж шантаажилж мөнгө горьдоо биз аягүй бол. бүткү хөдөөний орк бисдаанууд.
  • Сэтгэгдэл үлдээсэн: 2023-05-11 07:47:16
    Тунгаа: Цагдаа хжлаа сайн хийгээч Шударга байгаач
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188