"Содмонгол” ШТС-ын түгээгч амиа алдсан хэрэг гарчээ. Тодруулбал, “Ховд аймгийн Жаргалант сумын Наран багт байрлах "Содмонгол” ШТС-д гал гарч байна” гэх дуудлага өчигдөр цагдаагийн байгууллагад 09:00 цагийн үед иржээ. Цагдаагийн албан хаагчид болон Онцгой байдлын аврагчид хэргийн газарт очиход тус ШТС-ын түгээгч 27 настай, эрэгтэй Б нь өөрийгөө шатаж, амиа алдсан байжээ. Урьдчилсан байдлаар талийгаач Б нь өөрийгөө галдсан шатаасан гэдэг нь тогтоогдоод байгаа аж.

Уг хэргийн талаар ЦЕГ-ын Хэвлэл мэдээллийн төвөөс тодруулахад "Ийм хэрэг гарсан нь үнэн. Ховд аймгийн цагдаагийн газарт хэрэг бүртгэл нээн шалгаж байна. Мөрдөн шалгалтын ажиллагаа үргэлжилж байгаа учраас дэлгэрэнгүй мэдээлэл өгөх боломжгүй" гэлээ.