ДОРНОД АЙМГИЙН ЗАСАГ ДАРГА М.БАДАМСҮРЭН: "Петрочайна дачин тамсаг" компанийн газрын тос тээвэрлэлтийн автомашин осолдож, түүхий тос газрын хөрсөнд асгарсныг нуун дарагдуулсан

2023-03-26, 1410

Дорнод аймагт үйл ажиллагаа явуулдаг БНХАУ-ын хөрөнгө оруулалттай "Петрочайна дачин тамсаг" компанийн ойролцоо их хэмжээний зээрийг сүрэг үрэгдэж, үхсэн зээрийн сүргийг булшлах гэж байгаа талаар цахим орчинд мэдээлэл түгээд буй.

Үүнтэй холбоотой Дорнод аймгийн Засаг дарга М.Бадамсүрэн "Хорогдсон Цагаан зээрийн сэг зэмийн талаарх мэдээллийг харьяалах сумын эрх бүхий албан тушаалтан, Мал эмнэлэг, Байгаль орчны байгууллагад мэдэгдэж зөвшөөрөл авахгүйгээр булах үйлдэл гаргаж буй нь хууль зөрчсөн үйлдэл юм.

Зүй нь үйл ажиллагаа явуулж буй талбай орчимдоо хорогдсон мал, амьтны сэг зэмийн талаар мэдээллийг холбогдох мэргэжлийн байгууллагад өгч, хорогдсон шалтгаан нөхцлийг тодорхойлох шинжилгээнд хамруулж, дүгнэлтийг үндэслэн халдваргүйтгэл хийж зөвшөөрөгдсөн цэгт булж устгах зохицуулалттай.

"Петрочайна дачин тамсаг" компани өмнө нь газрын тос тээвэрлэлтийн автомашин осолдож түүхий тос газрын хөрсөнд асгарсныг нуун дарагдуулсан байсан. Иймд аймгийн Цагдаагийн газрын Экологийн Цагдаагийн алба, Мал эмнэлгийн газар, Халхгол сум, Матад сумын ЗДТГ-аас мэргэжлийн баг бүрэлдэхүүнийг Газрын тосны бүтээгдэхүүн хуваах гэрээт 21,19 дүгээр талбайд газар дээр нь шуурхай ажиллаж, зэрлэг амьтан их хэмжээгээр хорогдсон шалтгаан нөхцлийг тодорхойлж, холбогдох арга хэмжээг шуурхай авч хэрэгжүүлэхийг даалгалаа. Байгаль орчин, аялал жуулчлалын яамнаас томилогдсон ажлын хэсэг энэ өдрүүдэд тус талбайд ажиллаж байгаа" гэжээ.

ДОРНОД АЙМГИЙН ЗАСАГ ДАРГА М.БАДАМСҮРЭН: "Петрочайна дачин тамсаг" компанийн газрын тос тээвэрлэлтийн автомашин осолдож, түүхий тос газрын хөрсөнд асгарсныг нуун дарагдуулсан

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1

Сэтгэгдэл үлдээсэн: 2023-03-26 16:23:46

zochin: Turd ajillaad bugdiig hulgailj bgaag .mun eh ornii tulee duugarsan bolgoniig arai ami nasiig n horoohoos naaguur tamlaj.zovooj bn.Emhii hytadiin hiij bga buruu bolgoniig tag chlmeegui huleen zevsheerch bn.800 ******** bol Zandanshatariin hamaaral buhii etgeed oruulj.baahan ulsiin nuuts barimt tsugluulsan.1 udaa yriad nam darsan.Odoo Dornodiin asuudaliig irged mash iheer yrij bhd Nymbaatar n dulii.hudelj chaddaggui chachga tsarailaad.Eersdiig shuumjilsen MGL hun nohoinoos door doromjluulj bn.MUiin EK.ES.Tagnuul n ajlaa hiimeer bn.******** geheer dolooh shahah uom.Buteegdhuun huvaah gereeg 60.40 hiij chadahgui bga bizde.Ed nariin hiij huuli bus buhend durgui hurch bn.Gazar nutgaa hamgaalah ajlaa hiigeesei.

Шинэ мэдээ

Нийтлэлчид