Цагдаагийн байгууллагад өчигдөр буюу арваннэгдүгээр сарын 27-нд нийтдээ 733 гомдол, мэдээлэл иржээ. Нийт дуудлагын 324 нь зөрчлийнх, 11 нь хулгайлах, 56 нь гэр бүлийн хүчирхийлэлийн дуудлага ирсэн байна. Харин гэмт хэргийн шинжтэй 34 дуудлага ирсэн байна. 

Бүх нийтийн бэлэн байдлын зэрэгт шилжүүлсэн энэ үед архи, согтууруулах ундаа зарахыг хориглосон ч 88 хүн эрүүлжүүлэгдэж, согтуугаар тээврийн хэрэгсэл жолоодсон 15 зөрчил гарчээ. Мөн есөн хүн гэмтэж, олон нийтийн газар зүй бусаар биеэ авч явах, танхайрсан 33, оршин суугчдын аюулгүй байдлыг алдагдуулсан 50 дуудлага 102 дугаарт иржээ.