АТГ-аас цаг үеийн асуудлаар мэдээлэл хийж байна.

       Энэ үеэр АТГ-ын Мөрдөн шалгах хэлтсийн ахлах мөрдөгч Б.Батбилэг  "Мөрдөн шалгах ажиллагааны явцад одоогоор 81 үл хөдлөх хөрөнгө битүүмжилжээ. Үүнд 78 орон сууц, оффисын гурван талбай байна. 43 тээврийн хэрэгслийн шилжилт хөдөлгөөнийг хязгаарласан.  Мөн 630 сая төгрөг, 230 мянган ам.долларын эх үүсвэрийг судалж байна. Хөрөнгийг битүүмжилсэн талаар хоёр жишээ дурдъя. ТӨК-ийн удирдах албан тушаалтнаар ажиллаж байсан этгээд нь Тавантолгой орд газраас хөрс хуулалт, олборлолтын чиглэлээр үйл ажиллагаа байгаа хуулийн этгээдтэй гэрээ байгуулах явцдаа хахууль авч, улмаар Хан-Уул дүүргийн нутаг дэвсгэрт 4.6 га талбай газарт спорт цогцолбор, орон сууцны барилгын ажил эхлүүлж, хахуульд авсан мөнгөөрөө санхүүжүүлсэн нь тогтоогдсон" гэв.