Сүхбаатарын талбайд өчигдөр буюу арванхоёрдугаар сарын 4-нд иргэд үзэл бодлоо илэрхийлж, эсэргүүцлийн жагсаал зохион байгуулсан билээ. Мөн жагсаал өнөөдөр ажил хаялтаар үргэлжилж байна.

           Урьдчилсан байдлаар тус жагсаалд 100 гаруй хүн оролцож, үзэл бодлоо илэрхийлсэн гэх мэдээлэл бий. Харин эсэргүүцлийн жагсаалд оролцсон иргэдийг цагдаагийн байгууллагаас хоморголон баривчилж, саатуулсан гэх мэдээлэл цацагдаад байна.

Энэ талаар Цагдаагийн ерөнхий газрын Хэвлэл мэдээллийн төвийн мэргэжилтнээс тодруулахад “Өчигдөр зохион байгуулагдсан жагсаал, цуглаантай холбоотойгоор цагдаагийн байгууллагаас иргэдийг саатуулсан, эрүүлжүүлсэн хүн байхгүй” гэлээ.