Хууль зүй дотоод хэргийн сайд Х.Нямбаатар Гадаадын хөрөнгө оруулагчдын тонон дээрэмдсэн асуудлаар мэдээлэл хийлээ. Тэрбээр "Ерөнхий сайдын захирамжаао авлигын индэксийг бууруулах ажлын хэсэг байгуулаад жил дөрвөн сар болж байна. Гадаадын хөрөнгө оруулагчдын эрх ашгийг хамгаалах чиглэлээр санал дүгнэлт боловсруулах ажлын хэсэг байгуулагдсан. Энэ ажлын хэсгийн хүрээнд гадаадын хөрөнгө оруулагч нарыг хохироосон байж болзошгүй хэргийг олон нийтэд мэдээлж байна. Өнгөрсөн 10 жилийн хугацаанд хууль хяналтын байгууллагаар шалгагдсан. Хэрэг нь хаагдсан ажиллагаа нь байгаа хэрэг нь шүүхээр шийдэгдсэн хэргүүдийг танилцуулахаар бэлдсэн. Хууль зүй, дотоод хэргийн яам дээр нэгдсэн бүртгэл мэдээллийн сан байдаггүй. Манай яам Засгийн газрын тухай хуулийн дагуу 16 чиг үүрэг хэрэгжүүлдэг. Хуулийн дагуу гэмт хэрэгтэй тэмцэх ерөнхий агуулга тусдаг болохоос мөрдөн шалгах, хэрэг бүртгэх чиг үүрэг байхгүй. 

      Гадаадын хөрөнгө оруулагч нарын талаарх хэргийн мэдээлэл өгөөч гэж гурван мөрдөх байгууллагад хүсэлт явуулсан. АТГ-аас таван хэргийн мэдээлэл ирсэн. Цагдаагийн ерөнхий газраас 50 гаруй хэргийн мэдээлэл ирээд байна. Эрүүгийн хэргийн хянан шийдвэрлэх хэргийн талаар ажиллагаанд байгаа хэргийн талаар мөрдөн байцаалтын мэдээлэл өгөх боломжгүй гэсэн. Тиймээс хүний нэр компанийн нэр хэлэхгүй байхаар мэдээлэл хийхээр болсон. 

   Мөрдөн шалгах ажиллах гурав, хэргийг нь хаасан нэг, хэрэгсэхгүй болгосон нэг, шүүхийн шатанд байгаа нэг, шүүхээр шийдсэн нэг хэрэг байна. Мөрдөн шалгах ажиллах 12, хэргийг нь хаасан 19, хэрэгсэхгүй болгосон 14, шүүхийн шатанд байгаа хоёр, шүүхээр шийдсэн гурван хэрэг байна.

Хэргийн зүйлчлээр ангилахад залилах 37, завших зургаа, давхар зүйл ангийн буюу мөнгө угаах суурьтай 11, дээрэмдэх нэг, хахууль өгөх, авах гурав, албан тушаалын байдлаа урвуулан ашиглах гурав, мансууруулах эм сэтгэцэд нөлөөт бодис ашиглах хэрэг таван хувь байна.

Шүүхээр шийдвэрлэгдсэн хэргийн тухайд мэдээллийг хүргэж болно. Япон улсын иргэн Такахама Киничигийн хөрөнгө оруулалтаар Монгол Улсын иргэн О.Болд ББСБ байгуулж хамтран ажиллахаар тохиролцож, "Ориентал капитал" гэх компани байгуулсан. Улмаар зохиомол байдал бий болгож , тухайн иргэнээс 4.2 тэрбум төгрөг залилсан. Энэ хэргийг 2018 онд нээж, Сүхбаатар дүүргийн Эрүүгийн анхан шатны шүүхээр 2022 оны тавдугаар сард хэлэлцэж, О.Болдод зургаан жилийн хорих ял оногдуулсан.   

Т.Гочоосүрэнд холбогдох хэрэг бий. “Суруга Монгол” ХХК-ийн захирал Цүнэяки Харад хар тамхины хэрэг тохсон хэрэг гарсан. Энэ хэрэгт холбогдох  И.Тэргэл, Т.Гочоосүрэн нарыг цагаатгасан байгаа юм. Хэргийн хохирогч нас барсан. Гэхдээ түүний хүүг олж хохирогчоор татах ажлыг эхлүүлсэн. Учир нь хэрэгт холбогдогч нар нь хувьдаа бизнестэй болсон асуудлыг шалгаж байгаа" гэлээ.