Цэргийн албанд татагдсан залуусыг тээвэрлэж явсан автомашины жолооч зам тээврийн осол гаргасан талаар бид өмнө нь мэдээлсэн. Тодруулбал, өнөөдөр буюу аравдугаар сарын 17-нд 12:00 цагийн орчимд Хэнтий аймгийн төвөөс Дорнод аймаг руу хөдөлсөн машин замын хажуу руу унажээ. Осол гаргасан машины тэвшин дээр 17 цэрэг, хоёр ахлагч, нэг офицер зорчиж явсан аж. Одоогийн байдлаар зургаан цэрэг, нэг ахлагч Хэнтий аймгийн Нэгдсэн эмнэлэгт хүргэгдэн ирээд байгаа юм.

            Цэргийн албанд татагдсан залуусын биеийн байдлын талаар Хэнтий аймгийн Нэгдсэн эмнэлгийн дарга Д.Оюунгэрэлээс тодрууллаа. Тэрбээр “Өчигдөр 19:00 цагийн үед цэргийн албанд татагдсан зургаан залуу, нэг ахлагч эмнэлэгт ирсэн. Эмнэлэгт хүргэгдэж ирсэн цэргүүдийн биеинй байдал сайн байгаа. Нарийн шинжилгээ хийхэд зөөлөн эд гэмтсэн, хөнгөн бэртэл гэж гарсан. Бид өчигдөр нарийн шинжилгээ хийгээд биеийн байдал нь хэвийн байсан учраас ар гэрт буцаасан. Цаашид хийх эмчилгээ байхгүй” гэлээ.