“Дарханы төмөрлөгийн үйлдвэр”-т осол гарч, хоёр хүн гэмтжээ. Тодруулбал, өчигдөр буюу наймдугаар сарын 16-нд засвар хийж байсан иргэд гэмтэж, эмнэлэгт хүргэгджээ.

Энэ талаар “Дарханы төмөрлөгийн үйлдвэр”-ийн ХАБ-ын дарга Б.Ганбаяраас тодрууллаа.

     Тэрбээр “Осолд орсон иргэний биеийн байдал сайн, эмнэлэгтээ хэвтэж байгаа. Одоогийн байдлаар тодорхой мэдээлэл өгөх боломжгүй байна. Тийм сүртэй осол болж, олон хүн гэмтээгүй. Манай ХАБ ажлаа сайн хийж, шаардлагаа хангалттай тавьж байсан. Манай зүгээс ямар нэгэн асуудал байхгүй. Засвар, ханын шохой хийж байсан хүн рүү  шингэн үсэрсэн асуудал гарсан. Одоогоор ханын шохой үсэрсэн үү, хордсон уу гэдгийг нь тогтоогоогүй байгаа. Манай үйл ажиллагаа одоогоор хэвийн явагдаж байна. Бид ажилтан бүрээ аюулгүй байлгахад анхаарч ажилладаг” гэв.