Сураггүй алга болсон эмэгтэйг эрэн хайж байна. Тодруулбал, Баянгол дүүргийн 13 дугаар хорооны I байрнаас долдугаар сарын 16-ны 12:00 цагийн орчимд гарч, сураггүй алга болжээ. Алга болсон эмэгтэйн ар гэрийнхэн цагдаагийн албан хаагчидтай хамтран эрлийн ажиллагааг хоёр дахь өдрөө үргэлжлүүлж байна. Тус эмэгтэй нь алга болох үедээ эрээн цамц, хам өмд, ягаан углааштай явжээ.

       Энэ талаар алга болсон эмэгтэйн хүүтэй холбогдож тодруулахад “Сураг нь гарсан. Эсэн мэнд байгаа нь тодорхой болсон. Сураг гарсан байршилд цагдаагийн албан хаагчидтай хамтран эрлийн ажиллагааг үргэлжлүүлж байна. Одоогийн байдлаар яг хаана, хэнтэй байгаа нь тодорхойгүй байгаа. Үүнээс өөр хувийн мэдээллийг өгөх боломжгүй” гэв.