Шүүх бүрэлдэхүүн хуралдаж, улсын шүүгч Н.Түвшинбаярт 19 жилийн ял оноох санал гаргалаа.

       Энэ үеэр шүүгдэгч Н.Түвшинбаяр “Миний бие гэм буруугаа туйлын ихээр хүлээн зөвшөөрч байгаа. Хийж болохгүй үйлдлийг хийсэн гэдгээ ойлгож байгаа. Чин сэтгэлээсээ уучлалт гуйж байна. Энд ирсэн ах дүү, хамаатан садан, гэрчүүдээс уучлалт гуйж байна. Талийгаач найзынхаа ар гэр, үр хүүхдээс чин сэтгэлээсээ уучлалт хүсье. Миний найз миний хамгийн сайн найз байсан. Хүүхэд ахуй наснаасаа л хамтдаа хүсэл мөрөөдлөө ярьж, өнөөдрийн миний энэ амжилт бүхэнд миний найз байсан" хэмээсэн юм. 

     Харин түүний өмгөөлөгч Д.Данзанноров "Шүүгдэгчийн хувийн асуудлыг харгалзаж үзнэ гэж заасан байдаг. Н.Түвшинбаярт боломж олгох юм бол хохирогчийн ар гэрт чадах бүхнээрээ туслана гэдгээ байнга хэлж байгаа. Энэ нөхцөл байдлыг харгалзаж үзэхийг хүсэж байна. Мөн гэмт хэргийг санаатай үйлдсэн эсэх нь одоо хүртэл тогтоогдоогүй учир хөнгөрүүлж, харгалзаж үзэхийг хүсэж байна. Анхны байцаалтаасаа гэм буруутай гэдгээ хүлээн зөвшөөрдөг байсан. Тиймээс хүндрүүлэх нөхцөл байдалгүй учир хорих ялыг боломжит богино хугацаагаар тогтоож, хорих ялын дэглэмийг нээлттэй шийдэж өгөхийг хүсэж байна" гэлээ. Мөн улсын яллагч "Шүүгдэгчийн өмгөөлөгчийн тайлбарыг сонслоо. Прокурорын зүгээр Эрүүгийн хуулийн тусгай ангийн 14.2.2.1-т зааснаар 19 жилийн хорих ялыг хаалттай хориход эдлүүлэх санал гаргасан" гэв.