УИХ-ын гишүүн Х.Болорчулуун хэвлэл мэдээллийн хэрэгслээр дамжуулж, маш ноцтой мэдээллийг олон нийтэд хүргэсэн нь өнгөрсөн амралтын өдрүүдэд олны анхаарлыг татсан билээ. Тодруулбал, тэрбээр “БНХАУ-ын мэргэжлийн хяналтын байгууллагынхан манай улсад ирээд зөвшөөрөл өгдөг болоод удаж байна” хэмээн нэр бүхий хэвлэлд ярьсан байдаг. Түүний уг мэдэгдлийг олон хүн шүүмжилж, гэмт хэргийг нуун дарагдуулсан хэмээн бухимдаж буй. Мөн Байгаль орчин, хүнс хөдөө аж ахуйн байнгын хорооны дарга хүн ийм зүйл хэлж байгаад ихэд гайхацгааж, эгдүүцэж байгаа билээ.

Бид энэ талаар УИХ-ын гишүүн Х.Болорчулуунтай холбогдож, дээрх мэдээллийг үнэхээр хэлсэн эсэх болон өмнө нь яагаад хэлээгүй талаар тодруулсан юм.

-Та “БНХАУ-ын мэргэжлийн хяналтын байгууллагынхан манай улсад ирээд зөвшөөрөл өгдөг болоод удаж байна” гэж үнэхээр хэлсэн юм уу. Тийм зүйл байдаг юм уу?

         -Би ингэж хэлсэн нь үнэн. Ийм зүйл байдаг шүү дээ. Өөрөөр хэлбэл, БНХАУ-ын мэргэжлийн хяналтын байгууллага манай улсад ирээд зөвшөөрөл өгдөг болоод удаж байгаа шүү дээ. Энэ асуудал Хүнс хөдөө аж ахуй хөнгөн үйлдвэрийн сайд асан Ч.Улааны үеэс л бий болсон шүү дээ. Сүүлийн хэдэн жилийн хугацаанд ийм л юм болж байна. Харин сүүлийн хоёр жил цар тахлын улмаас энэ асуудал намжсан байсан байх.

-Та энэ асуудлыг эртнээс мэддэг байсан юм байна шүү дээ. Гэмт хэргийг яагаад нуун далдалсан юм бэ. Хууль хяналтын байгууллагад хандаж болоогүй юм уу?

           -Нуун дарагдуулаад байх юу байх билээ дээ. Та бүхэн ч гэсэн мэдэж байгаа шүү дээ.

-Бид энэ талаар огт мэдэхгүй шүү дээ. Хариуцлагатай алба хашиж байгаа таныг хуулийн байгуулланад хандаагүй гэхээр гайхаж байна л даа?

           -Би утсаар яримааргүй байна.