Ерөнхийлөгчийн Тамгын газрын дэд дарга асан, МоАХ-ын Удирдах зөвлөлийн гишүүн Г.Байгалмааг Авлигатай тэмцэх газраас шалгаж буй. Түүнийг гурван ноцтой үндэслэлээр хууль хяналтын байгууллагаас шалгаж байгаа талаар бид өмнө нь мэдээлсэн.Тодруулбал,

Нэгдүгээрт, МоАХ-ын газрыг Хөгжлийн банкны барьцаанд тавьсан байж болзошгүй.

Хоёрдугаарт, Ерөнхийлөгч асан Х.Баттулгын гарын үсгийг үйлдэж, МоАХ-ын газрыг 15 тэрбум төгрөгөөр банкны барьцаанд тавьсан байж болзошгүй.

Гуравдугаарт, Хан-Уул дүүргийн 10 дугаар хороонд байрлах ахмадуудад зориулсан орон сууц барих газрыг тухайн үеийн Хотын дарга олгосон байдаг. Уг газарт баригдсан орон сууцнаас 27 байр хувьдаа “завшсан” байж болзошгүй үндэслэлээр АТГ-аас түүнийг шалгаж байгаа талаар эх сурвалж мэдээлсэн байдаг.

            Бид мэдээллийг тэнцвэртэй хүргэх үүднээс МоАХ-ын зөвлөх Г.Байгалмаатай холбогдож, үүсээд байгаа нөхцөл байдлын талаар тодрууллаа. Тэрбээр “Авлигатай тэмцэх газраас намайг нэг удаа дуудсан. Ингэхдээ гэрчийн мэдүүлэг авсан. Цахимаар яваад байгаа мэдээллийг ойлгохгүй байна. Би хөдөө, орон нутагт яваа учраас мэдээлэл өгөх боломжгүй байна” гэлээ.