Архангай аймгийн Эрдэнэбулган сумын “Ирээдүй” цэцэрлэгийн дунд ангийн багш М нь хүүхдүүдийг зодож, ёс бус харьцаж байгаа бичлэг цахим сүлжээнд тархсан билээ. Эл хэргийг тус аймаг дахь цагдаагийн байгууллага шалгаж, хүүхэд зодсон багшийг 500 мянган төгрөгөөр торгожээ.

       Түүнчлэн Цэцэрлэгийн эрхлэгч асан Д.Цэцэгдулам нь хүүхэд зодож байгаа бичлэг цахим сүлжээнд тавьсан нягтлан бодогч Ч.Урантуяаг байгууллагын нэр хүндэд халдсан үндэслэлээр ажлаас нь халах тушаал гаргасан гэдэг. Мөн тэрбээр түүнийг ажлаас нь халаад зогсохгүй, зодож танхайрсан бичлэг цахим сүлжээнд цацагдсан билээ. Тодруулбал, эрхлэгч асан Д.Цэцэгдулам нь арванхоёрдугаар сарын 2-нд нягтлан бодогч Ч.Урантуяагийн биед халдаж, өшиглөж, араас нь хөөх зэргээр танхайрсан бичлэг цахим сүлжээнд цацагдаад байсан юм.

Тэгвэл тус цэцэрлэгийн эрхлэгч асан Д.Цэрэндуламтай холбогдож, ямар хариуцлага хүлээлгэсэн талаар тодрууллаа.

       “Тэрбээр би ажлаасаа чөлөөлөгдөж, ажилгүйдлийн тэтгэмжээ аваад гэртээ байгаа. Цагдаагийн байгууллагаас намайг 500 мянган төгрөгөөр торгоогүй. Харин хүүхэд зодсон багш М-ийг ажлаас нь чөлөөлж, 500 мянган төгрөгөөр торгосон байна лээ. Нягтлангаа өшиглөж, зодож байгаа бичлэгийг цагдаагийн байгууллагаас шалгаж, Зөрчлийн хуулиар торгосон. Би гэмт хэрэг үйлдээгүй, ямар ч хэрэг хийгээгүй учраас боловсролын байгууллагад ажиллах эрхээ хасуулаагүй. Сошиалаар цацагдсан болгон үнэн байна гэж байхгүй шүү” гэлээ.