Өнгөрсөн есдүгээр сарын 20-нд есөн настай дагавар охиноо зодож, амийг нь хөнөөсөн хэрэг гарсан. Тодруулбал, Баянзүрх дүүргийн 23 дугаар хорооны оршин суугч Б нь есөн настай дагавар охиноо зодож, амийг нь хөнөөсөн хэргээ хүлээсэн билээ. Талийгаач Б нь 12 настай охин нь хөгжлийн бэрхшээлтэй эгч, хоёр ойтой дүү болон ээж, хойт аавын хамт амьдардаг байсан юм.

Талийгаачийг амиа алдсаны дараа түүний 12 настай эгчийг гэр бүлийн хүчирхийлэл, бэлгийн хүчирхийлэлд өртдөг байсан байж болзошгүй хэмээн шүүх шинжилгээнд хамруулсан билээ. Харин охин шүүх шинжилгээний хариу гарчээ. Энэ талаар Баянзүрх дүүргийн Гэр бүл, хүүхэд  залуучуудын хөгжлийн хэлтсийн дарга Б.Батсайханаас тодруулахад “Охин хөгжлийн бэрхшээлтэй, эмзэг  бүлэгт багтдаг учир өөрийгөө бүрэн ойлгуулах чадваргүй, айдас түгшүүртэй сэтгэлзүй тогтворгүй байна. Харин биед ямар нэгэн гэмтэл, хүчирхийллийн шинжтэй шинж тэмдэг илрээгүй. Нарийн шинжилгээний хариу гарч дуусаагүй байгаа. БИ үргэлжлүүлэн ГССҮТ, СЭМҮТ, Шүүх шинжилгээний үндэсний хүрээлэнд дахин нарийн шинжилгээ хийнэ. Урьдчилсан байдлаар шинжилгээний хариу хэвийн гарсан ч дахин нарийн шинжилгээ хийх шаардлагатай” хэмээлээ.