Ховд аймгийн Алтай сумын иргэдийг коронавирусийн эсрэг вакцинд хамруулах явцдаа тус сумын Нэгдсэн эмнэлгийн эмч алдаа гаргаж, тавт вакцин андуурч хийсэн талаар бид мэдээлсэн. Тодруулбал, тавт вакцин хийлгэсэн зургаан хүний тав нь хүүхэд, нэг нь 43 настай хөгжлийн бэрхшээлтэй иргэн байсан аж. Тэднийг сумын эмнэлгээс “Яаралтай вакцин хийлгэ” гэж дуудсан учир өнгөрсөн сарын 28-ны өглөөнөөс эхлэн ээлжээр вакцин аа хийлгэжээ. Бодонч, Алтангадас багаас ирж вакцинд хамрагдсан хүүхдүүд тэр өдөртөө гар нь хөхөрч хөндүүрлэх, даагдахгүй болох, тамирдаж ядрах, халуурах зэрэг шинж тэмдэг илэрч эхэлсэн байна. Бид эдгээр хүүхдүүд хэн болох, одоо биеийн байдал нь ямар байгаа талаар ар гэртэй нь холбогдож мэдээлэл авлаа.

VI-XI АНГИЙН ТАВАН ХҮҮХЭД КОВИДЫН ВАКЦИНТАЙ АНДУУРЧ ТАВТ ВАКЦИН ТАРИУЛЖЭЭ

                       Нэрээ нууцлахыг хүссэн иргэн Л.Т “Төгсөх ангийн зургаан хүүхэд гэсэн мэдээлэл худлаа. Тэр зургаан хүний нэг нь 43 настай, хөгжлийн бэрхшээлтэй Д.Д гэдэг хүн бий. Манай ахын хүү, охин хоёр хохирогч болсон. Бид сургуулийн захиргаанд өргөдөл, гомдол гаргасан байгаа. Хэрвээ хүүхдүүдийн бие ямар нэгэн хувирал өгч, биеийн байдал хүндэрвэл андуурал гаргасан эмч, эмнэлгийн байгууллагаас бид хариуцлага нэхэх болно. Вакциныхаа дараа өвдөөд байна гээд байхаар нь “За юун сүртэй юм, өвдөж л байдаг юм” гээд тоогоогүй юм билээ. Тэгээд сумын төв дээр вакцин андуурч хийсэн гэж сонсоод “Та хоёр өөр вакцин хийлгэсэн юм бишүү” гэж гайхаад эмчтэй нь холбогдсон байна. Ингээд үнэн болохыг мэдээд ах эгч хоёр сум руу ирсэн байгаа юм. Өдөр нь тавт вакцин тарьчихаад шөнө орой нь дуудаад ковидын вакцин хийдэг их сонин юм. Орой дүү нараа авч очоод тариа хийлгэх гэж мөн л олон цаг хүлээлгэсэн.

Өөрөөр хэлбэл, тариа хийсэн эмч, сувилагч нь ирэхгүй удсаар 01:00 цагт ирж улмаар шөнийн 03:00 цагт бид харьцгаасан.

Өөрөөр хэлбэл, тариа хийсэн эмч, сувилагч нь ирэхгүй удсаар 01:00 цагт ирж улмаар шөнийн 03:00 цагт бид харьцгаасан. Тухайн өдрөө дүү нар маань халуурсан болохоор айж байлаа. Вакцинаа хийлгэчихээд хөдөө гэр рүүгээ явчихсан байгаа. Эмч нь өөрийн биеэр ирж уучлалт гуйгаад “Ямар нэгэн сөрөг нөлөөгүй болохоор битгий хэл ам хийгээрэй, болж өгвөл нууцлаарай” гэж гуйсан. Хүн нэг алдаа л биз, тэр дундаа залуу хүн дахиж ийм алдаа битгий гаргаасай гэсэндээ бид чимээгүй л байна” гэв. Түүний хэлж буйгаар  Алтангадас багийн харьяат  VI ангийн сурагч А.А

Алтангадас багийн харьяат VIII ангийн сурагч Б.Э

Алтангадаг багийн харьяат IX ангийн сурагч Б.Г  

Бодонч багийн харьяат X ангийн сурагч Б.М

Бодон ч багийн харьяат аймгийн төвд ХI ангид сурдаг Б.Х зэрэг хүүхдүүдэд тавт вакциныг андууран хийжээ.

Ю.Б: ЯНЗ БҮРИЙН АРХАГ, ХУУЧ ӨВЧТЭЙ БОЛОХ ВИЙ ГЭХЭЭС АЙЖ БАЙНА

Харин Бодонч сумын иргэн Ю.Б-ээс нөхцөл байдлын талаар тодруулахад “Манай хоёр хүүхэд вакцин хийлгэсэн. Тэр шөнө дөө андуурч хийсэн байна гээд буцаагаад дуудсан. Хүрээд очтол “Вакцинаа андуурч ээ, одоо ковидын вакцин хийнэ” гээд дахин вакцин тарьсан. Тарианаас хойш “халуурч, гар нь өвдсөн байдалтай хоёр хоносон. Одоо харьцангуй дээрдсэн, биед нь шарх, сорив лав алга. Хүүхдүүд юм хэлэхгүй болохоор бие нь ямар зовиуртай байгааг сайн мэдэхгүй байна. Одоо мэдэгдэхгүй байж байгаад хожим хойно янз бүрийн архаг, хууч өвчтэй болох бий гэж л айх юм. Манайх сумын төвөөс 50 километр зайд Бодонч багийн нутагт байдаг болохоор дахин дахин сум ороод байж чадахгүй. Эмч нар нь дахиж ийм алдаа гаргахгүй, битгий сүр бадруулаарай гээд учирлаад, уучлал гуйсан гэсэн. Миний хоёр хүү юу гэж хэлснийг мэдэхгүй байна” гэв.

    Угтаа бол л тавт вакцин нь нярайд хийдэг аж. Вакцинаа андуурснаа мэдээд, дахин “Ковид-19”-ийн эсрэг вакцин хийсэн талаар тус сумын эмч Б.Наранчимэг “Зургадугаар сарын 28-ны өглөө 11:45 цагт эхэлж, "Ковид-19"-ийн вакцинтай андуураад тавт вакцин хийсэн. Хөдөөнөөс гурван хүн эхлээд орж ирж хийлгэсэн. Дараа нь гурван хүүхэд ирээд нийт зургаан хүүхдэд тавт вакциныг хийсэн байна лээ. Ингээд бид вакцин андуурч хийснээ мэдээд дахин цар тахлын эсрэг вакцин хийсэн. Одоогоор вакцин хийлгэсэн хүүхдүүдийн биед ямар нэг сөрөг зүйл илрээгүй. Эцэг, эхчүүдтэй нь би биечлэн уулзсан. Мөн хүүхдийн биеийн байдлыг хянасан. Тавт вакциныг маш бага тунгаар тарьсан. Нэг хүүхдэд хийх ёстой тунг зургаан хүүхдэд хувааж 0.3 мл тунгаар хийсэн. Би хүмүүсийн биеийн байдлыг нь үзээд манай сувилагч тарьсан” гэх тайлбар өгөөд буй. Мөн “Тавт вакциныг ерөнхий боловсролын сургуулийн төгсөх ангийн зургаан хүүхдэд тарьсан” гэдэг мэддээллийг өгөөд байгаа юм.