Хөвсгөл аймгийн БОАЖГ-ын дарга Г.Энхбаяр энэ сарын 17-18-нд шилжих шөнө Арбулаг суманд ажлаар явж байхдаа архидан согтуурч, улмаар Г.Энхбаяр, Э.Нямдаваа нарын хооронд маргаан үүсэж, Г.Энхбаяр дарга ажилтан Э.Нямдавааг жолоочийн хамт зодсон гэх мэдээлэл цахим орчинд гарсан. Одоогийн байдпаар хохирогч Э.Н тархины хүнд хэлбэрийн доргилттой, нүдний доод зовхи урагдалтай гэх оноштой байгаа аж. Энэ талаар БОГ-ын дарга Г.Энхбаяраас тодруулаа.

       Тэрбээр  “Энэ хэрэг гүтгэлгийн шинжтэй. Ажил, албан тушаалаас болсон хэрэг. Э.Нямдаваа хувийн компанитай. Тэгээд “Намайг тендерт оруулж өгсөнгүй” гэж  надад агсам тавьсан юм. Би ч бас зодуулсан. Гэхдээ цахим орчинд өөрийнхөө зургийг нийтэлмээргүй байна. Энэ хэрэг энэ сарын 17-18-нд шилжих шөнө болсон. Э.Нямдаваа Хөвсгөл аймгийн хувийн эмнэлэгт хэвтэн эмчлүүлж байгаа юм шиг байна лээ. Намайг цагдаад өгсөн гэсэн. Одоогоор надаас мэдүүлэг аваагүй байгаа. Мөн миний сэтгэл санаа тогтворгүй байгаа болохоор өөр зүйл ярих боломжгүй байна” гэлээ.