Ардчилсан намын Дотоод сонгуулийн хорооны дарга И.Мөнхжаргалыг Эрүүгийн хэргээр цагдаагийн байгууллагаас шалгаж эхэлжээ.

Тодруулбал, түүнийг Ардчилсан намын даргын сунгааныг зохион байгуулах, нэр дэвшигчдийг бүртгэх холбоотой асуудлаар шалгаж эхэлсэн гэдгийг эх сурвалж мэдээлээд байгаа юм. Өнгөрсөн гуравдугаар сарын 11-нд И.Мөнхжаргал даргатай Дотоод сонгуулийн хороо Ардчилсан намын даргад нэр дэвшигчдийнхээ үнэмлэхийг гардуулж, намын даргын сунгаанаа зохион байгуулсан. Энэ сонгуульд дөрвөн нэр дэвшигч өрсөлдсөнөөс УИХ-ын гишүүн О.Цогтгэрэл олонхын санал авч намын даргаар сонгогдсон билээ. Тухайн үед тус намыг дүрмийн бус сонгууль явуулж байна хэмээн нэр дэвшигчдийн зардлын дансыг хааж байсан удаатай Тэгвэл энэ асуудлаар И.Мөнхжаргалыг шалгаж эхэлжээ.