Эрүүл мэндийн яамнаас коронавирусийн тархалтын талаарх ээлжит мэдээлэл хийлээ. Энэ үеэр Эрүүл мэндийн яамны Хэвлэл мэдээлэл, олон нийттэй харилцах зөвлөх Б.Ууганбаяр “Өнгөрсөн 24 цагийн хугацаанд 911 хүнээс коронавирус илэрч хоёр иргэн нас барсан. Үүнээс гадна 1225 хүн эдгэрч эмнэлгээс гарлаа. Одоогийн байдлаар 4956 хүн эмнэлэгт хэвтэн эмчлүүлж байна. Үүнээс хөнгөн 2824, хүндэвтэр 1525, хүнд 488, маш хүнд 119 хүн байна” гэлээ.