Манай улс энэ онд 37.2 сая тонн нүүрс экспортлохоор төлөвлөснөөс оны эхний гурван сарын байдлаар 6.7 сая тонныг гаргаж 18 хувийн гүйцэтгэлтэй байна. Дөрөвдүгээр сарын байдлаар 6.8 сая тонн нүүрс экспортолсныг оны мөн үетэй харьцуулахад нүүрсний экспорт 3.5 сая тонноор өссөн үзүүлэлттэй байна. 

Мөн 1.43 сая тонн зэс экспортлохоос 0.3 сая тонныг гаргаж 21 хувийн гүйцэтгэлтэй байна. Гаалийн ерөнхий газрын мэдээллээр мөн энэ онд 8.9 сая тонн төмрийн хүдэр экспортлохоос оны эхний гурван сарын байдлаар 1.9 сая тонныг гаргаж 21 хувийн гүйцэтгэлтэй байна. Харин Лондоны металлын биржид өнгөрсөн долоо хоногийн сүүлийн өдөр нэг тонн зэсийн үнэ 1.6 хувиар өсөж, 9551.5 ам.доллар болоод байв. Долларын ханш суларч, Чили улсын нийлүүлэлттэй холбоотой болгоомжлолын улмаас зэсийн үнэ өнгөрсөн даваа гаригт өсөж, 2011 оноос хойших хамгийн дээд амжилт үзүүлсэн аж.