• Өнөөдөр 2025-04-04

“Эрдэнэс Таван толгой” ХК: 2020 оны НОГДОЛ АШГАА хөрөнгө оруулалтад зарцуулна

2021-03-10,   977

“Эрдэнэс Таван толгой” компаниас өнөөдөр /2021.03.10/ цаг үеийн  асуудлаар мэдээлэл хийлээ.
 
Мэдээллийн үеэр тус компанийн гүйцэтгэх захирал Б.Ганхуяг: “Манай компани 2021-2025 хүртэлх дунд хугацааны “А6-20” гэсэн бизнес төлөвлөгөө боловсруулсан. Уг төлөвлөгөөг холбогдох яамд болон төлөөлөн удирдах зөвлөлөөр хэд хэдэн удаа хэлэлцэж, баталлаа. 
 
Үүнээс өмнө 2017-2020 он хүртэл бизнес төлөвлөгөө боловсруулан ажилласан. Энэ төлөвлөгөө амжилттай хэрэгжсэн. Ирэх таван жилийн хугацаанд бид нийт 10.1 их наяд төгрөг төвлөрүүлж, өөрийн хамаарал бүхий төсөл, хөтөлбөрүүдийг санхүүжүүлж, бизнесээ өргөжүүлэхээр төлөвлөөд байна. Энэ хугацаанд 32 их наяд төгрөгийн орлоготой ажиллах төлөвлөгөөтэй байгаа. Мөн 20 төсөл, 5000 ажлын байр бий болгох зорилго тавьсан. Өнгөрсөн онд компани 1.5 их наяд төгрөгийн ашигтай ажилласан. Иргэдэд хуваарилах боломжтой 28 тэрбум төгрөг буюу нэг хүнд 12 мянган төгрөг ногдож байгаа юм. Үүнийг бид олон талаас нь судалж үзээд 2021 онд олгох 2020 оны ногдол ашгийг өөрийн хөрөнгө оруулалтандаа ашиглах нь зөв юм гэж үзсэн. 
 
Олсон ашгаа ирээдүйд илүү ашиг олох төсөл, хөрөнгө оруулалт хийхээр тооцоолж, Төлөөлөн удирдах зөвлөлөөс 2020 оны ногдол ашгийг олгохгүй байхаар шийдвэрлэсэн” хэмээв.
 
Г.Жавхлангарьд  
 

 


“Эрдэнэс Таван толгой” ХК: 2020 оны НОГДОЛ АШГАА хөрөнгө оруулалтад зарцуулна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.