Мөнгөний бодлогын хорооноос 2021 оны нэгдүгээр улиралд 250 тэрбум төгрөгийн урт хугацаат репо санхүүжилт олгохоор шийдвэрлэсэн. Энэ хүрээнд хоёрдугаар сарын 22-ны өдөр Монголбанкнаас урт хугацаат репо арилжаагаар ирүүлсэн саналын дагуу Хаан, Худалдаа хөгжлийн, Голомт, Хас, Тээвэр хөгжлийн, Богд, Капитрон, Кредит банкуудад нийт 200 тэрбум төгрөгийн санхүүжилт олгожээ. Түүнчлэн урт хугацаат репо санхүүжилтийн эдийн засагт үзүүлэх нөлөөг сайжруулах зорилгоор жижиг дунд үйлдвэрлэл эрхлэгчдэд олгох зээлийн дээд хэмжээг гурван тэрбум төгрөг болгон нэмэгдүүлсэн байна.

Арилжааны банкуудад 200 тэрбум төгрөгийн урт хугацаат репо санхүүжилт олгожээ

Иймд арилжааны банкууд дээрх санхүүжилтээр аж ахуйн нэгж байгууллага, иргэдэд тодорхой шалгуурын дагуу гурван тэрбум хүртэлх төгрөгийг хоёр жилийн хугацаатай, 10.5 хувийн хүүтэй зээлээр олгох болон олгосон зээлийг дахин санхүүжүүлэх аж.

Иймд Монголбанкнаас тавьсан шалгуурыг хангаж буй харилцагчид дээрх нэр бүхий банкуудад хандан шинээр зээл авах, зээлд дахин санхүүжилт хийлгэх боломжтой болж байна.