Улаанбаатар хот дахь ХБНГУ-ын Элчин сайдын яам нь ХБНГУ-ын Эдийн засгийн хамтын ажиллагаа, хөгжлийн яам (BMZ)-ны санхүүжилтээр Монгол Улсын Эрчим хүчний яам болон Германы олон улсын хамтын ажиллагааны нийгэмлэгтэй (GIZ) хамтран хэрэгжүүлсэн тус төслийн хаалтын арга хэмжээнд оролцлоо.

     Сүүлийн хоёр жилийн хугацаанд энэхүү төсөл нь олон улсын туршлага солилцоо, практикт суурилсан сургалтын арга барилаар дамжуулан Монгол Улсын эрчим хүчний салбарын мэргэжилтнүүдийн ур чадварыг бэхжүүлсэн. Үүнээс гадна хоёр политехникийн коллежид техникийн болон мэргэжлийн боловсрол, сургалтын (TVET) хөтөлбөрүүдийг нэвтрүүлсэн байна. Энэхүү төсөл нь тогтвортой эрчим хүчний салбарын хөгжлийн чиглэлд Герман, Монголын хамтын ажиллагаа бат бөх байгааг онцлон харуулж байна.