Урин дулаан цаг ирж, ойрын өдрүүдэд ихэнх нутгаар хүйтний эрч суларч буйтай холбоотой гол, мөрөн, нуурын мөс хэврэгшиж байна. Хоёрдугаар сарын дунд арав хоногийн байдлаар манай орны зарим гол мөрний мөс өмнөх арав хоногоос 5-10 см нимгэрчээ. Харин нуурын толио болон гол мөрний дагуу мөсний зузаан харилцан адилгүй байгаа юм.

Иймд Онцгой байдлын ерөнхий газраас тээврийн хэрэгслээр цаг хожих, зам товчлох зэргээр мөсөн дээгүүр явахгүй байхыг анхааруулж байна.