Монгол Улсын 2026 оны төсвийн төсөлд олон нийтийн саналыг авч эхлэх талаар мэдээлэл өглөө. Энэ үеэр Сангийн сайд Б.Жавхлан “ Улсын төсвийг боловсруулах үе шат өмнөх оны баталсан төсвийг батлагдмагц эхэлдэг. Ирэх оны төсөв нэгдүгээр сард сум, дүүргийн түвшинд иргэдээс санал авах, дөрөвдүгээр сарын 30-нд нийслэл болон агентлагт саналаа ирүүлэх, зургаадугаар сарын 25-нд нийслэл агентлагт хүргүүлснээрээ эхний үе шат дуусдаг. Төсвийн ерөнхийлөн захирагч нар долдугаар сарын 25-ны байдлаар нийт 36 төсвийн ерөнхийлөн захирагч нар саналаа бичгээр болон цахимаар ирүүлэх ёстой ч одоогоор 29 нь бүрэн ирүүлээд байна.

Ирэх жилийн эдийн засгийн өсөлтийн хувьд зөвхөн монгол гэлтгүй дэлхий нийтээр хязгаарлагдмал, өсөлт саармагжсан байх болно. Тийм учраас 2026 оны төсвийн суурь тоог эдийн засгийн хөгжлийн яамнаас наймдугаар сарын 10 гэхэд ирүүлэх учиртай. Ингээд бид наймдугаар сарын 15-нд иргэдээс санал аваад, эдийн засгийн хөгжлийн яамнаас ирүүлэх төсвийн хүрээний эцсийн тоонд багтааж засгийн газарт хүрүүлэх үүрэгтэй байдаг. Төсвийн хүрээний тоонууд гэдэг бол ирэх оны төсвийн хүрээний тоонууд энэ жилийн тавдугаар сарын 30 гэхэд улсыг их хурал баталсан байх байдаг. Өөрөөр хэлбэл макро төлөвлөлт батлагдана гэсэн үг юм. Энэ тооны хүрээнд засгийн газар салбар хоорондын уялдааг хангах, салбарт нэгдсэн төсвийн бодлого ямар байх вэ гэдгийг энэ тоонууд дотроо боловсруулан өргөн барих үүрэгтэй ажиллаж байгаа

Мөн 2026 оныг хүний хөгжил боловсролын жил болгохоор хөгжлийн төлөвлөгөөнд туссан. Тийм учраас ирэх жилийн төсөвт хоёр том бичиг баримт байна. Төсвийн хүрээ болон хөгжлийн төлөвлөгөө хоёрт багтаж, нийцэн явна.

Зардлын хувьд 25 хувьд багтаах болно. Мөн аль болох төрийн төсвөөр санхүүждэг үйл ажиллагааг хувийн хэвшлээр хийлгэж илүү олон бизнесийн шинэ боломжийг нээж өгөх тал дээр ажиллана. Дээрээс нь төрийн албан хаагч болон тэтгэвэр, тэтгэмж авагчдын зүгээр дамжуулж нийгмийн баталгааг илүү хангах, эдийн засгийн хүндрэлтэй үед зорилтод бүлэг рүүгээ чиглүүлэх бодлого үргэлжлэнэ. 2024 оноос эдийн засаг, инфляцаас хамаарч тэтгэвэр, тэтгэмжийг нэмдэг бодлогоор цаашдаа ч гэсэн хэрэгжүүлээд явах болно" ггэв.