• Өнөөдөр 2024-04-25

Нийслэлээс Ховд явах иргэдийг ням гараг хүртэл бүртгэнэ

2021-01-21,   651

Улаанбаатар хотоос Ховд аймаг явах хүсэлтэй иргэдийг энэ сарын 19-23-ны хооронд 08:00-23:00 цаг хүртэл бүртгэнэ. Бүртгэл дууссаны дараа нэгдсэн тоо гаргаж, нийслэлд гацсан иргэдийг татах ажлыг ирэх долоо хоногт зохион байгуулна гэж тус аймгийн ЗДТГ-аас мэдээллээ.

Нийслэлээс тус аймаг руу очих хүсэлтэй иргэд хулгайн замаар зорчиж, эрсдэлд орох, Зөрчлийн тухай хуулиар торгуулах, удаан хугацаагаар саатах зэрэг тохиолдол гарч байгаа учраас үндсэн харьяалалтай иргэдээ татаж авах үйл ажиллагааг нэгдсэн байдлаар зохион байгуулна. Учир нь Улаанбаатарт гацсан иргэд айлаар хоноглож тодорхой оршин суугаа хаяггүй явж байгаад халдварын эрсдэлд өртөж болзошгүй гэж үзсэн гэж Ховд аймгийн Онцгой байдлын газрын дарга, дэд хурандаа Б.Алтанбадралт мэдээллээ.

Энэ сарын 19-ний байдлаар 150 иргэн нутаг буцах хүсэлтээ ирүүлжээ. Түүнчлэн тус аймгийн нутаг дэвсгэрийн зааг дээр түргэвчилсэн шинжилгээ авч, Улаанбаатар болон бусад бүсээс ирж буй иргэдийг нэвтрүүлж буй аж.

 

 


Нийслэлээс Ховд явах иргэдийг ням гараг хүртэл бүртгэнэ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2024 © Зохиогчийн эрх хуулиар хамгаалагдсан. Мэдээлэл хуулбарлах хориотой.