Азийн голлох хөрөнгө биржүүдэд өнөөдөр буюу дөрөвдүгээр сарын 24-ний нээлтийн ханшаар технологийн салбарын хувьцаанууд огцом өсөлт үзүүллээ.

                        Тухайлбал, цахилгаан автомашин үйлдвэрлэгч “Tesla” компанийн TSLA.O хувьцаа Азийн хөрөнгийн биржүүдэд цагийн дотор огцом өсөлт үзүүлснийг даган Тайванийн TWII, Өмнөд Солонгосын KS11, Японы Никкей N225 индекс өссөн байна. Мөн Японоос гадуурх Ази, Номхон далайн бүс нутагт хамгийн өргөн хүрээтэй гэгддэг MIAPJ0000PUS индекс 1.6 хувь, Хятадын цэнхэр чипний CSI300 хоёр хувь, Хонконгийн Хансенг HSI индекс хоёр хувийн өсөлт үзүүлсэн бөгөөд энэ давлагаа Евроазид ч нөлөөлж, Eurostoxx50 фьючерс 0.40 хувь, Германы DAX фьючерс 0.33 хувь, FTSE фьючерс 0.60 хувиар өсөлт хандлагатай байгаа аж.

Түүнчлэн сүүлийн 34 жилийн хамгийн доод түвшин хүрээнд байсан иений ханш Азийн хөрөнгө биржүүдэд технологийн хувьцаа цойлж байгаатай холбоотойгоор эргэн чангарч болзошгүй гэнэ.