Олон улсын зах зээлд Брент төрлийн газрын тосны нийлүүлэлт тасалдсантай холбоотойгоор ханш нь унаж байгааг эдийн засагч, шинжээчид мэдээлжээ.

                       Тодруулбал, өнгөрсөн долоо хоногт баррель нь 87.67 ам.долларын үнэтэй байсан Брент төрлийн газрын тос өнөөдрийн ханшаар баррель нь 85.93 ам.доллар болсон байна. Уг төрлийн газрын тосны ханш 2024 он гарснаас хойш 84-88 ам.долларын хооронд хэлбэлзэж байгаа. Хэдий дэлхийн газрын тос олборлогчдоос ирэх сөрөг дарамт ихсэж байгаа ч гол төрлийн газрын тосны ханш унаж буй нь худалдан авагч орнуудад эергээр нөлөөлж байна. Түүнчлэн Брент төрлийн газрын тосны нийлүүлэлт тасалдсан хэвээр байвал ойрын хугацаанд баррелийн ханш нь 84 ам.доллар руу унах магадлалтай байгаа гэнэ.