БНХАУ-ын Далянийн түүхий эдийн бирж дээр төмрийн хүдрийн үнэ энэ сарын 7-ны байдлаар нэг тонн нь 146.94 ам.долларт хүрээд байсан юм. Энэ нь сүүлийн долоон жилийн хамгийн өндөр дүн бөгөөд 2020 он гарснаас хойш төмрийн хүдрийн үнэ 45 хувиар өссөн аж.

Хятад улс энэ оны эхний арван сарын байдлаар нийт 877.9 сая тонн ган үйлдвэрлэжээ. Энэ нь өнгөрсөн оны мөн үетэй харьцуулахад 5.5 хувиар өссөн үзүүлэлт аж.  Хятадын барилгын салбарт орон сууцны эрэлт өндөр хэвээр байгаа бөгөөд тус улс 14 дүгээр таван жилийнхээ төлөвлөгөөнд хотжилт, дэд бүтцийг хөгжүүлэх чиглэлд онцгой анхаарал хандуулна гэдгээ илэрхийлсэн. Энэ нь 2021-2025 онд Хятадын төмрийн хүдэр болон гангийн хэрэглээ өндөр хэвээр хадгалагдана гэх хүлээлт үүсгэж байгаа юм.  Улмаар тус улсын барилгын дэд бүтэц, барилгын идэвхжилтэй холбоотойгоор гангийн үйлдвэрлэл нэмэгдэхэд нөлөөлж байгаа бөгөөд энэ нь төмрийн хүдрийн үнэ өсөхөд нөлөөлж байна гэж шинжээчид үзэж буй.

БНХАУ-ын Далянийн түүхий эдийн бирж дээр төмрийн хүдрийн үнэ энэ сарын 7-ны байдлаар нэг тонн нь 146.94 ам.долларт хүрээд байсан юм. Энэ нь сүүлийн долоон жилийн хамгийн өндөр дүн бөгөөд 2020 он гарснаас хойш төмрийн хүдрийн үнэ 45 хувиар өссөн аж. Тэгвэл

Далянийн Таваарын бирж дотоод журамдаа өөрчлөлт оруулснаар өнгөрсөн долоо хоногт өсөөд байсан төмрийн хүдрийн фьючерс үнэ наймдугаар сараас хойш хамгийн өндөр дүнгээр буурчээ. Тодруулбал, энэ сарын 16-ны арилжаагаар 5.4 хувиар буурч, тонн нь 1030 юань болжээ. Төмрийн хүдрийн үнэ хэт өндөр байгаа тул Хятадын ган үйлдвэрлэгчид “Rio Tinto”, “BHP” зэрэг компанийн төлөөлөлтэй уулзаж, үнэ тодорхойлох аргачлалыг өөрчлөх хүсэлт гаргаж, Засгийн газартаа төмрийн хүдрийн үнийг тогтоон барих асуудлаар хандсан байна. Улмаар Далянийн Таваарын биржийн журмыг чангалсан нь үнэ буурахад нөлөөлж байгаа аж.

Түүнчлэн шинжээчдийн үзэж буйгаар төмрийн хүдрийн үнэ 2021 оны дунд үе гэхэд 100 ам.доллар руу буурч, 2022 он гэхэд 75 ам.доллар болж унах магадлалтай гэнэ.

            Төмрийн хүдрийг боловсруулан эцсийн бүтээгдэхүүн үйлдвэрлэх, өөрөө хэлбэл цэвэр төмөр болон ган гаргаж авахад коксжих нүүрс чухал үүрэг гүйцэтгэдэг бөгөөд түүний үнэ төмрийн хүдрийн зах зээлд томоохон нөлөө үзүүлдэг билээ. Тэгвэл энэ сарын эхээр коксжих нүүрсний үнэ 4.1 хувиар өсөж, нэг тонн нь 1535 юань хүрсэн. Энэ нь 2016 оны арваннэгдүгээр сараас хойших хамгийн өндөр үзүүлэлт болсон аж. Нэг тонн төмөр үйлдвэрлэхэд 1.75 тонн төмрийн хүдэр, 0.8 тонн коксжих нүүрс, 0.25 тонн шохойн чулууны орц шаардлагатай бөгөөд энэ үеэр 4.5 тонн агаарын холимог шатах процесс зарцуулагддаг байна.