Хөрөнгө оруулагчдын таамаглаж байснаар II улирлын БНХАУ-ын эдийн засгийн өсөлтийн мэдээлэлтэй холбоотойгоор Ази, Номхон далайн орнуудад зах зээлийн уналт эхэлсэн талаар “CNBC” мэдээлжээ. Тухайлбал, дэлхийн хоёрт жагсдаг БНХАУ-ын ДНБ 2023 оны II улиралд 6.3 хувиар өссөн нь эдийн засагчдын таамгаас доогуур дүн болсон байна. Хэрэв БНХАУ-ын ДНБ-ий өсөлт илүү байсан бол бүс нутгийн зах зээл ч тогтвортой байх байсан гэнэ.

                       Үүнтэй холбоотойгоор өнөөдөр Хонконгийн биржүүд тодорхойгүй хугацаагаар хаагаад байгаа бөгөөд Шанхайн нийлмэл хувьцаа 1.19 хувиар, Шэньжэнь 0.89 хувиар, БНСУ-ын Kospi индекс 0.52 хувиар буурчээ. Мөн Японы биржүүд өнөөдөр далайн өдрийг тохиолдуулан хаалгаа барьсан байгаа юм байна.