Монгол Ардын намын бүлэг Нийгмийн даатгалын багц хуулийн талаар хэлэлцлээ. Энэ үеэр Нийгмийн бодлогын Байнгын хорооны дарга П.Анужин “Нийгмийн даатгалын багц хуулийн талаар 30 мянга орчим иргэнээс санал, сэтгэгдэл авч, ажлын хэсэгт нэгтгэж байгаа. Бид тэтгэврийн реформ хийнэ гэж олон жил ярьсан. Тэтгэврийн реформын хүрээнд долоон жилийг таван жил болгох тухай ярьж байгаа. Иргэд хоёр талын байр суурьтай байгаа. Урт хугацаагаар нийгмийн даатгалын шимтгэл төлсөн. Зарим нь сүүлийн таван жил нийгмийн даатгал төлөөд тэтгэврт хамрагдах боломжтой болохыг шударга бус гэж үзэж байгаа. Хууль шударга заримд  тулгуурлах учир сүүлийн таван жил нийгмийн даатгал төлөх дээд хэмжээг хуулиар тогтоож өгсөн. Ингэхдээ хөдөлмөрийн хөлсний доод хэмжээг долоо дахин өсгөсөн мөнгө төлөх ёстой. Иргэд долоон жилийг таван жил болгосон хохирол барагдуулах эсэхийг ихэвчлэн асуусан байна лээ. Тус зөрүүг арилгаж өгөхөөр ярьсан байгаа. Тэтгэврийн сангийн орлогыг нэмэгдүүлэх ёстой. 223 мянган малчин бий. Малчдын 20 гаруй хувь нь нийгмийн даатгалын шимтгэл төлж байгаа. Малчин нийгмийн даатгалын шимтгэлээ хөдөлмөрийн хөлсний доод хэмжээгээр төлөх юм бол улсаас 50 хувийг нь даах зүйл заалт орж байгаа. Малчдын ирээдүйн амдралын баталгааг хангаж байгаа” гэсэн юм.