ОХУ, Украины дайнтай холбоотойгоор газрын тос, байгалийн хийн ханш зах зээлд огцом өссөн. Тэгвэл уг салбарын томоохон компаниудын нэг болох “Shell”-ийн орлого өнгөрсөн 2022 онд 39.9 тэрбум ам.долларт хүрч, 115 жилийн түүхэн дээд амжилтаа тогтоожээ.

                               Нидерланд, Англид төвтэй “Shell” компани сүүлийн жилд орлогоо хоёр дахин нэмэгдүүлж, 2022 оны сүүлийн гурван сард хувь нийлүүлэгчдэдээ 6.3 тэрбум ам.доллар төлсөн бөгөөд дөрвөн тэрбум ам.доллартой дүйцэх хувьцааг буцаан татахаар төлөвлөж буйгаа мэдэгдсэн байна.

-“SHELL” КОМПАНИЙН ЭРГЭН ТОЙРОНД-

“Financial Times” сонины мэдээлснээр “Shell” компанийг Нигер Улсын газрын тосны хамгийн баялаг ордтой дельта Нигерт оршин суудаг 11 мянга гаруй иргэнийг хэрэглэдэг ундны усыг бохирдуулж, агаарын чанарыг бууруулж, газар тариалангийн талбай, загас агнуурын нөөцийг бууруулсанд буруутгаж, Лондонгийн Дээд шүүхээс тус компанид төлбөрийн нэхэмжлэл хүргүүлсэн гэнэ.

                               “Shell” компани нь 1936 онд Нигер Улсад газрын тос олборлох анхны ажлаа эхлүүлж байсан бөгөөд 1956 онд Огале хотоос баруун зүгт 100 гаруй километрийн зайд орших Олойбири гэх газарт үйлдвэр байгуулж, Нигер Улсын газрын тосны үйлдвэрлэлийн томоохон суурийг тавьж байжээ.

Д.ЭНХБИЛГҮҮН