Улсын хэмжээнд даатгалын салбарт 16 компани, 54 даатгалын зуучлагч, 26 даатгалын хохирол үнэлэгч, 2500 орчим даатгалын төлөөлөгч үйл ажиллагаа явуулж, жилд дунджаар нэг сая орчим даатгуулагчийн 90 гаруй их наяд төгрөгийн үнэлгээ бүхий эрсдэлийг дотоод, гадаадын зах зээлд байршуулж, 60 гаруй тэрбум төгрөгийн хохирлыг барагдуулдаг байна.

Сүүлийн жилд 20 гаруй мянган иргэн, байгууллага зам тээврийн ослын улмаас учирсан 20 орчим тэрбум төгрөгийн хохирлоо нөхөн төлүүлж, ипотекийн хөнгөлөлттэй зээлээр орон сууцтай болсон 30 гаруй мянган иргэн санхүүгийн эрсдэлээ даатгуулж, даатгалын дөрвөн хувьцаат компанийн хоёр нь Хөрөнгийн биржийн ТОП-20 индекст багтжээ.

Даатгалын компаниуд нийгмийн хариуцлага, коронавирусийн халдварын эрсдэлтэй холбогдох даатгалын хэд хэдэн бүтээгдэхүүн зах зээлд нэвтрүүлж, цахим горимоор ажиллан, даатгуулагч иргэд, аж ахуй нэгжийн өмнө хүлээсэн үүргээ биелүүлж байна.Монгол Улсад арилжааны даатгалын салбар үүсч хөгжөөд 86 жил болжээ.