Хүйтний улирал ойртож байгаа холбоотойгоор Ази, Европ дахь нүүрсний эрэлт ихэссэний улмаас нэг тонн нүүрсний үнэ 400 ам.долларт хүрчээ. Энэ нь сүүлийн хоёр сарын хугацаан дахь нүүрсний хамгийн өндөр үнэ болж байгааг олон улсын хэвлэлүүд онцолж байна.

                             2022 он гарснаас хойш БНХАУ нүүрсний олборлолтоо 300 сая тонноор нэмэгдүүлнэ гэж мэдээлж байв. Гэсэн ч цар тахал, геополитикийн нөхцөл байдалтай холбоотойгоор нүүрсний олборлолтод саатал гарч, дэлхий даяар нүүрсний эрэлт өссөн. Өдгөө 400 ам.долларт хүрээд байгаа нүүрсний үнэ өнгөрсөн оны эцсээс хойш 90 гаруй хувиар өссөн талаар “Reuters” агентлагаас мэдээлжээ. Харин 2021 оны эхэн үеэс тооцвол нүүрсний үнэ 300 орчим хувиар өссөн аж.