• Өнөөдөр 2022-08-20

Өмнөговийн музейг хоёр сар гаруйн хугацаанд 30 мянга гаруй хүн үзжээ

            Өмнөговь аймгийн музей өнгөрсөн тавдугаар сард олон улсын музейн өдрөөр үүдээ нээсэн. Өмнөговь аймгийн Даланзадгадад нээгдсэн тус музей орон нутгийн хэрэгцээ шаардлага, санал санаачилгад тулгуурлан "Оюутолгой" компанийн хөрөнгө оруулалттай “Говийн оюу хөгжлийг дэмжих сан” /Gobi Oyu Development Support Fund/-гийн дэмжлэг санхүүжилтээр дэлхийн стандартад нийцсэн засал чимэглэл, тоног төхөөрөмжөөр тоноглогдсон танхимтай, 4000 гаруй үзмэр эд өлгийн цуглуулгатайгаар иргэд олон нийтэд үзмэрээ дэлгэсэн билээ.

            Музейн үзмэрүүдээс дурдахад Өмнөговь аймгийн нутагт одоогоос 4500-5000 жилийн өмнө хүн амьдарч байсан ул мөр бүхий “Цахиуртын хөндий”, “Оцон мааньт”, “Баянзаг”, “Чоно шургуул”, “Төгрөгийн ширээ” зэрэг газраас олдсон эртний болон палеонтологийн олдворууд мөн говийн ард түмний дундаас төрсөн алдар гавьяатан, урчууд дархчуудын бүтээлийн дээжсийг тус музейд байрлуулсан юм.

              Өмнөговь аймгийн музей  2022 оны тавдугаар сарын 18-нд нээлтээ хийж, үйл ажиллагаагаа эхэлснээс хойш 30000 гаруй иргэн, аялагч үзэж сонирхсон байна.

 

Өмнөговийн музейг хоёр сар гаруйн хугацаанд 30 мянга гаруй хүн үзжээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188