А.БАТДОРЖ: Ч.Мөнхбаярын амь насны аюулгүй байдлыг Үндэсний Аюулгүй Байдлын Зөвлөлөөс нэхнэ

2022-06-21, 518

Иргэн Ч.Мөнхбаярын өмгөөлөгч нар өнөөдөр мэдээлэл хийсэн юм. Энэ үеэр иргэн Ч.Мөнхбаярын өмгөөлөгч А.Батдорж "Ч.Мөнхбаярын амь нас, аюулгүй байдлыг Үндэсний Аюулгүй Байдлын Зөвлөл хариуцах ёстой гэж үзэж байна. БНХАУ-ын эрх ашгийг хамгаалж, монгол хүнийг Монгол Улсын хуулиар яллах боломжгүй юм. Нэгдсэн Үндэсний Байгууллагын гишүүн, тусгаар тогтносон Монгол Улсад хууль засаглах, төрийг төлөөлж прокурор нь хянах, шүүх нь эцэслэн шийдвэрлэх зохицуулалтын хүрээнд амьдарч байна гэтэл бид үнэхээр том эндүүрэлд оржээ.

Үүний нэг баримт нь БНХАУ-ын эрх ашгийг хамгаалж, Үндэсний аюулгүй байдлын эсрэг үйл ажиллагаа явуулж монгол хүнийг яллаж, манай улс нь улс төрийн хоригдолтой болчихлоо.

Ч.Мөнхбаярт гүйцэтгэх ажиллагааг 1.3 жил явуулсан ч нотолгоо олоогүй, хавтаст хэрэгт авагдсан материалд төрийн нууцад хамаарах мэдээлэл алга. Иймд энэ хэргийг нууцаас гаргаж, олон нийтийн хэлэлцүүлэг хийх нь шударга ёсонд нийцнэ гэж үзэж байгаа. Түүнчлэн цагдан хорихоос өөр тусгаарлах арга хэмжээ авах хүсэлтийг өмгөөлөгч нарын зүгээс удаа дараа тавихад хангаагүй гэж үзэж, түүний амь насны аюулгүй байдал баталгаагүй болж байна. Тийм учраас суллах хүсэлтийг Сүхбаатар дүүрэг дэхь Эрүүгийн хэргийг хянан шийдвэрлэх анхан шатны шүүх яаралтай хэлэлцэх ёстой гэж үзэж байгаа. Ч.Мөнхбаярын амь насны аюулгүй байдлыг Үндэсний Аюулгүй Байдлын Зөвлөлөөс нэхнэ. Учир нь Тагнуулын байгууллагын тухай хуулийн 16 дугаар зүйлд зааснаар Тагнуулын байгууллагын үйл ажиллагааг УИХ хянан шалгаж сонсох, Ерөнхийлөгч болон Ерөнхий сайд нар танилцаж, даалгавар өгөхөөр зохицуулсан байх тус хууль ёсыг гажуудуулсан үйлдлийн үр дагаврыг хариуцах ёстой " гэв.

А.БАТДОРЖ: Ч.Мөнхбаярын амь насны аюулгүй байдлыг Үндэсний Аюулгүй Байдлын Зөвлөлөөс нэхнэ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.