Шударга өрсөлдөөн хэрэглэгчийн газар  ЖАЙКА-тай хамтран цахим худалдааны орчныг сайжруулах бодлогын судалгаа хийхээр болжээ.

        Японы олон улсын хамтын ажиллагааны байгууллага(ЖАЙКА)  “JICA Mongolia”-ын мэргэжилтэн Күрода Рюүжи  ШӨХТГ-ийн удирдлагуудтай уулзалт хийлээ. Уг уулзалтаар тус байгууллагаас Шударга өрсөлдөөн, хэрэглэгчийн төлөө газартай хамтран хэрэгжүүлж байгаа “Шударга өрсөлдөөний орчинг бэхжүүлэх хоёрдугаар шатны төсөл” болон цаашид хэрэгжүүлэх үйл ажиллагааны талаар ярилцлаа.

     Тус төслийн хүрээнд ШӨХТГ-ын албан хаагчдын өрсөлдөөний бодлого боловсруулах чадавхийг сайжруулах зорилго бүхий хэд хэдэн сургалт, семинарыг амжилттай зохион байгуулсан. Өнөөдрөөс эхлэн ЖАЙКА болон Японы Шударга худалдааны хороо(JFTC)-ны дэмжлэгтэйгээр Монгол улс дахь Цахим худалдааны орчныг сайжруулах бодлогын судалгааг хийж гүйцэтгэн, бодлогын зөвлөмж гаргахаар ажиллаж эхэлсэн аж.

     Энэхүү бодлогын судалгааны үр дүнд гарсан зөвлөмж нь холбогдох зах зээл дэх шударга өрсөлдөөний орчныг бий болгох, тодорхой дүрэм журам, эрх зүйн орчингүйгээс үүдэн хэрэглэгчид хохирохоос урьдчилан сэргийлэхэд чухал үр нөлөөтэй  байна.