• Өнөөдөр 2025-04-04

НМХГ: Эмээлтийн махны үйлдвэрт гарал үүсэл тодорхойгүй бодис хэрэглэж байсан нь тогтоогдсон

2022-05-26,   620

      Эмээлтийн мах бэлтгэх газарт хийсэн лабораторийн шинжилгээний талаар өнөөдөр  НМХГ-аас мэдээлэл хийсэн юм. 
     Энэ үеэр  НМХГ-ын төлөөлөл  "Эмээлтэд байрлалтай “Эм Ди Си Пи” ХХК-ийн мах боловсруулах үйлдвэрт хяналт шалгалт хийхэд БНХАУ-д үйлдвэрлэсэн хятад бичигтэй нунтаг цагаан өнгийн бодис хэрэглэж байсан нь тогтоогдсон. Уг бодисын гарал үүсэл тодорхойгүй, хугацаа нь дууссан байсан. Үйлдвэрт технологийн зааваргүйгээр хэрэглэж байсан нь нотлогдсон.

Нийслэлийн прокурорын газарт тавдугаар сарын 19-ний өдөр үйл ажиллагааг нь зогсоох тухай саналыг хүргүүлсэн. Түүнчлэн мах боловсруулах үйлдвэрт байсан цагаан нунтгаас дээж авч, Хүнсний аюулгүй байдлын үндэсний лавлагаа лабораторид шинжүүлсэн. Улмаар цардуулын өндөр агууламжтай, нэмэлт бүхий нийлмэл хольц болохыг тогтоосон.

           Тиймээс “Эм Ди Си Пи” ХХК-ийн үйл ажиллагааг хүчингүй болгосон. Цаашид энэ компанийн нэрээр мах, махан бүтээгдэхүүн үйлдвэрлэхгүй. Эмээлтэд үйл ажиллагаа явуулдаг нийт 28 үйлдвэрийг хяналт шалгалтад хамруулсан. Шалгалтын үнэлгээ одоогоор хараахан гараагүй. Мөн “Адууг зүй бус аргаар нядалж байна” гэх мэдээлэл ирсэн. Энэ нь 2017 оны зураг, мэдээлэл болох нь тогтоогдсон" гэсэн юм. 
 

НМХГ: Эмээлтийн махны үйлдвэрт гарал үүсэл тодорхойгүй бодис хэрэглэж байсан нь тогтоогдсон
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.