Монгол банкны Ерөнхийлөгч Б.Лхагвасүрэн улсын хэмжээнд үүсээд байгаа эдийн засгийн нөхцөл байдлын талаар мэдээлэл өгсөн билээ. Түүний мэдэгдсэн мэдэгдлээс онцлох таван ишлэл хүргэе. 

• Манай улсын эдийн засагт урьд өмнө тохиолдож байгаагүй тодорхойгүй нөхцөл байдал үүсээд байна. Одоо үүсч буй энэ асуудалд ОХУ болон Украин хоорондын мөргөлдөөн, импортын өсөлт, цар тахлын үеийн эдийн засгийн өсөлт зэрэг олон хүчин зүйлс нөлөөлсөн юм. Үүний үр дүн бол ам.долларын ханшын өсөлтийг бий болгожээ.
• Монгол Улсаас экспортолж буй нүүрс, зэсийн үнэ нэмэгдэж байгаатай холбоотой экспортын орлогоо нэмэгдүүлэх бүрэн боломжтой. Мөн цар тахлын үед буурсантай холбоотой манай улсын экспорт сэргэх хандлагатай байна.
• Монгол банкны зүгээс ханшийн өсөлтийг удаан үргэлжлүүлэхгүй, төрийн байгууллагын зардлыг танах санал тавина.
• Өнгөрсөн оны нийт импортын дүн долоон тэрбум ам.доллар, үүнээс 500-600 сая ам.долларын автомашин худалдан авахад зарцуулжээ. Иймд суудлын автомашины импортыг түр хязгаарлах, хориглох болон гаалийн татварыг нэмэх зэрэг арга хэмжээг зохион байгуулна.
• Өргөн хэрэглээний 50 хувийг импортын бүтээгдэхүүн эзэлдэг. Импортын барааны үнэ нэмэгдсэн нь инфляцад нөлөөлсөн.